ٹماٹر کئی بیماریوں سے محفوظ رکھتا ہے، طبی ماہرین

محمد علی پیر 28 اگست 2017 03:36

واشنگٹن ۔ (اُردو پوائنٹ اخبارتازہ ترین۔ 27 اگست2017ء) امریکا کے ماہرین صحت کا کہنا ہے کہ ٹماٹر کئی بیماریوں سے محفوظ رکھتا ہے ۔ اوہایو یونیورسٹی کے شعبہ صحت کی جدید تحقیق سے یہ بات سامنے آئی ہے کہ روزانہ تین ٹماٹر کھانے سے فالج اور دیگر امراض کا خطرہ کم ہوجاتا ہے ۔ ایک نئی رپورٹ کے مطابق ٹماٹر جلد کے سرطان کا خطرہ بہت واضح طور پر کم کرسکتا ہے۔

(جاری ہے)

ماہرین کا کہنا ہے کہ ٹماٹروں کو سرخ جواہر بھی کہا جاتا ہے جو ہماری روزمرہ زندگی کا حصہ ہیں۔ ٹماٹر کا باقاعدہ استعمال جلد کے کینسر کو روکنے میں اہم کردار ادا کرتا ہے۔ ٹماٹر میں پائے جانے والے اجزا کیراٹونوئیڈز جلد کو الٹراوائلٹ شعاعوں کے ہولناک نقصان سے بچاتے ہیں۔ ٹماٹر میں موجود کیراٹونوئیڈز جلد کے اندر جمع ہوتے رہتے ہیں جبکہ ٹماٹروں میں لائسوپین اور اینتھو سائننس کی بھرپور مقدار نظر کی کمزوری، امراضِ قلب، کینسر اور دماغی امراض کے خطرات کو بھی کم کرنے میں مدد گار ثابت ہوتی ہے۔

Facebook Twitter Google + Share on Whatsapp

ٹماٹر کئی بیماریوں سے محفوظ رکھتا ہے، طبی ماہرین

مزید