نشہ کے استعمال سے انسان حقائق کو دیکھنے سے محروم ہو جا تا ہے‘ڈاکٹر ظفر اقبال میاں

لاہور (اُردو پوائنٹ اخبارتازہ ترین - این این آئی۔ 19 ستمبر2017ء) نشہ کے استعمال سے انسان حقائق کو دیکھنے سے محروم ہی نہیں بلکہ اس کے ساتھ ساتھ جذبات صحیح اور غلط کی پہچان بھی بھول جاتا ہے،نشہ ایسے کیمیائی مادوں کا مجموعہ ہے جو ہمارے دماغ کے مواصلاتی نظام کے ساتھ دخل اندازی کرتا ہے ،دماغ کے قدرتی کیمیائی مادے ایک خاص مقدار میں بڑھتے گھٹتے ہیں لیکن نشے کی بدولت مخصوص کیمیائی مادے غیر معمولی طور پر بڑھتے گھٹتے ہیں اس قدرتی نظام میںنشے کی مداخلت کی بدولت ہمارے دماغ کی ساخت میں تبدیلی آ جاتی ہے جس کے اثرات انسان کی ذہنی ،جسمانی ،سماجی ،روحانی و ذاتی زندگی پر مرتب ہوتے ہیں ۔

ان خیالات کا اظہار چیئرمین گلوبل این جی او ،ری ہیب وریسرچ سنٹر مائنڈ سانٹسٹ ڈاکٹر ظفر اقبال میاں اور سیکرٹری انفارمیشن ڈاکٹر محمد افضل میو نے گلوبل این جی او ،ری ہیب ور ریسرچ سنٹر کے زیر اہتمام انسداد منشیات کیمپ کے موقع پر اسلامیہ کالج کُوپر روڈ لاہور کی طلباء سے گفتگو کرتے ہوئے کیا ۔

(جاری ہے)

انہوں نے کہا کے منشیات ہمارے معاشرہ کو دیمک کی طرح چاٹ رہی ہے ۔

کتنے خاندان اپنے بچوں کے روشن مستقبل سے نا امید ہو چکے ہیں ۔گلوبل این جی او رہیب و ریسرچ سنٹر لنک روڈ ماڈل ٹاؤن لاہور منشیات کی روک تھام شعور و آگاہی علاج اور بحالی کیلئے دن رات مصروف عمل ہے ۔اس موقع پر چیئرمین گلوبل این جی او و روہیب و ریسرچ سنٹر ڈاکٹر ظفر اقبال میاں نے عوام خاص طور پر عوامی نمائندوں ،سماجی اداروں ،تاجر تنظیموں یوتھ کلب اساتذہ و والدین ،وکلاء ڈاکٹرز ،صحافیوں اور دیگر معاشرے کے لوگوں سے اپیل کی کہ وہ گلوبل این جی او رہیب و ریسرچ سنٹر کے انسداد منشیات پروگرام میں شامل ہو کر معاشرے کو منشیات سے پاک کرنے میں ساتھ دیں تا کہ ہم آنے والی نسلوں کو اس کی تباہی سے بچا سکیں انہوں نے مزید کہا کہ حکومتی ادارے منشیات کے خلاف دن رات مصروف عمل ہیں مگر اس کے ساتھ ،معاشرے کے ہر فرد کو اس جہاد میں شامل ہونا ہوگا۔

پھر ہی اس کے بہتر نتائج حاصل ہو سکے گے ۔