کوئٹہ میں خشک سردی آتے ہی گلیاور سینہ کے امراض بڑھ گئے

بدھ 27 ستمبر 2017 15:13

کوئٹہ (اُردو پوائنٹ اخبارتازہ ترین - این این آئی۔ 27 ستمبر2017ء) کوئٹہ میں موسم سرما آتے ہی رات کو اے سی اور پنکھے بند ہوگئے اور کمبل نکل آئے۔ شہر میں خشک سردی آتے ہی گلے اور سینہ کے امراض بھی بڑھ گئے ۔کوئٹہ میں15 ستمبر کے بعد موسم میں تبدیلی آنا شروع ہوجاتی ہے، دن گرم اور رات ٹھنڈی ہوجاتی ہیں، رواں سال بھی سردی نے اپنے آمد کابگل بجادیا ہے۔

دن کو زیادہ سے زیادہ درجہ حرارت30 ڈگری اور رات کو کم سے کم 15ڈگری سینٹی گریڈ تک گر گیا ہے۔

(جاری ہے)

موسم کی تبدیلی کے ساتھ شہر کے سرکاری اور نجی ہسپتالوں میں زکام، کھانسی، بخار اور الرجی میں مبتلا مریضوں کی تعداد میں اضافہ ہوا ہے اور زیادہ تر بچے اور بوڑھے ان امراض کا شکار ہوکر ہسپتالوں کا رخ کررہے ہیں۔ماہر امراض سینہ، گلہ سول ہسپتال کوئٹہ، ڈاکٹر لطیف کاکڑ کا کہنا ہے کہ موسم کی تبدیلی کے پیش نظرموسمی امراض سے بچنے کیلئے شہریوں کو بھرپور احتیاط کی ضرورت ہے، خاص طور پر چھوٹے بچوں کو صبح اور شام کے اوقات میں گرم کپڑے پہنائیں اور ٹھنڈے پانی، مشروبات اور آئس کریم سے دور رکھیں۔

Facebook Twitter Google + Share on Whatsapp

کوئٹہ میں خشک سردی آتے ہی گلیاور سینہ کے امراض بڑھ گئے

متعلقہ عنوان :

مزید قومی خبریں