سارا دن موبائل گیم کھیلنے والی عورت کی ایک آنکھ کی بینائی چلی گئی

Ameen Akbar امین اکبر ہفتہ 7 اکتوبر 2017 22:44

سارا دن موبائل گیم کھیلنے والی عورت کی ایک آنکھ کی بینائی چلی گئی

کسی موبائل  گیم میں مہارت اور مسلسل جیت سے آپ کو حقیقت اور ورچوئلی کچھ انعامات تو مل سکتے ہیں لیکن اس سے آپ کی صحت ، خاص طور پر آنکھوں، پر   بہت برا اثر پڑتا ہے۔مسلسل گیم کھیلنے سے  آپ جزوی یا مکمل طور پر اندھے بھی ہو سکتے ہیں۔ کچھ ایسا ہی چین کے صوبہ گوانگڈونگ سے تعلق رکھنے والی 21 سالہ خاتون کے ساتھ ہوا ہے۔
یہ خاتون ایک دن  موبائل پر کنگ  آف گلوری  نامی مشہور موبائل  گیم  کھیلتی رہی۔

کئی گھنٹوں تک کھیلنے کے بعد شام کو اچانک ہی اُن کو ایک آنکھ سے نظر آنا بند ہوگیا۔ جب انہیں ہسپتال پہنچایا گیا توپہلے پہل ڈاکٹر سمجھ ہی نہیں سکے کہ اُن کے ساتھ ہوا کیا ہے۔ چار دن بعد ڈاکٹروں نے  انہیں Retinal Artery Occlusionتشخیص کیا، جس میں خون آنکھوں کی شریانوں میں رک جاتا ہے۔

(جاری ہے)

۔ ان خاتون میں اس مرض کی تشخیص میں مشکلات اس لیے پیش آئیں کہ یہ ایسی بیماری ہے جو بوڑھوں کو ہی لاحق ہوتی ہے۔

ان خاتون  کو یہ بیماری کئی گھنٹوں تک گیم کھیلنے کے باعث آنکھوں پر پڑنے والے دباؤ سے ہوئی ہے۔
ان خاتون نے پچھتاوے کا اظہار کرتے ہوئے کہا ہے کہ کاش انہوں نے اپنے والدین کی بات سن  لی ہوتی جنہوں نے اسے گیم کھیلنے سے روکا تھا۔
کنگ آف گلوری  دنیا کی سب سے زیادہ مقبول اور سب سے زیادہ منافع بخش گیم ہے۔ اسے مفت ڈاؤن لوڈ کیا جا سکتا ہے۔ ہرماہ 20 کروڑ صارفین اسے کھیلتے ہیں۔ اسے کھیلنے والے صارفین بہت جلد بری طرح اس کا عادی بن جاتے ہیں۔ اسی وجہ سے بہت سے لوگ اسے ”زہر“ قرار دیتے ہیں۔

سارا دن موبائل گیم کھیلنے والی عورت کی ایک آنکھ کی بینائی چلی گئی

متعلقہ عنوان :