قبال زون کی یونین کونسلوں میں چیکنگ کے دوران724 مقامات پر ایڈیس لاروا پایا گیا جسے فوری تلف کر دیا گیا

تمام کو آپریٹو و پرائیویٹ ہائوسنگ سو سائٹیوں کا اینٹی ڈینگی انتظامات کے سلسلہ میں رپورٹ طلب کر لی گئی

جمعہ 27 اکتوبر 2017 14:38

لاہور (اُردو پوائنٹ اخبارتازہ ترین - این این آئی۔ 27 اکتوبر2017ء) حکومتی ہدایت پرا قبال ٹا ئون زون کے تمام سکولوں میںڈینگی کے حوالے سیطلباء میں آگاہی مہم کا آغاز کر دیا گیا ہے اس سلسلے میں رائے ونڈ کے مقامی سکول میں آگاہی واک کا انعقاد بھی کیا گیا۔جس کے خا طر خواہ نتائج برا آمد ہوئے۔ا قبال ٹا ئون زون کی یونین کونسلوں میں33462 انڈور سپاٹس اور151591کنٹینرز جبکہ 3217آئوٹ ڈور مقامات اور12210کنٹینرز کوبھی چیک کیا گیا۔

اس دوران 724 مقامات پر لاروا پایا گیا جس کو فوری تلف کر دیا گیا۔زون بھر میںصفائی کے انتظامات کو فوقیت دی جا رہی ہے تاکہ ڈینگی لاروا کی افزائش کو کنٹرول کیا جا سکے ۔ اس امر کا اظہار جوائنٹ رجسٹرار کو آپریٹو نثار احسن زیدی نے آج ایڈمنسٹریشن اقبالٹائو ن زون کے کمیٹی روم میںانسداد ڈینگی کے حوالے سے منعقدہ اجلاس کی صدارت کرتے ہوئے کیا۔

(جاری ہے)

اس موقع پر مختلف محکموں کے افسران بھی موجود تھے۔ جوائنٹ رجسٹرار کو آپریٹونے کہا کہ صفائی نصف ایمان کو موٹو بنائے بغیراصل مقاصد حاصل کرنا نا گزیرہے۔ حکومت نے بہترین حکمت عملی سے لاہور و دیگر مقامات پر ڈینگی لاروے کو کنٹرول کر کے نئی تاریخ رقم کی ہے۔ ڈینگی لاروے کی افزائش کو کنٹرول کر نے کے لئے تیز تر اقدامات عمل میں لانا وقت کی اہم ضرورت ہے۔

انہوں نے کہا کہ تمام کو آپریٹو و پرائیویٹ ہائوسنگ سو سائٹیوں کا اینٹی ڈینگی انتظامات کے سلسلہ میںمعائنہ کر کے رپورٹ باقاعدگی سے پیش کی جا رہی ہے۔ ٹائون بھر میں ڈینگی کو موسم کی بدلتی کیفیات پر تیزی سے کنٹرول کیا جا رہا ہے۔اجلاس میں لاہور ڈویلپمنٹ اتھارٹی اور محکمہ زراعت کے افسران کی عدم دلچسپی اور مسلسل غیر حاضری کا سختی سے نو ٹس لیتے ہوئے ان کے خلاف متعلقہ محکموں کو سخت کاروائی کی ہدایت کی۔اجلاس میں ہدایت کی گئی کہ تما م یونین کونسلیں اپنے اپنے علا قوں میں واقع قبرستانوں میں صفائی انتظامات کی متواتر چیکنگ کریں۔

متعلقہ عنوان :