الشفاء ٹرسٹ آئی ہسپتال اور آئل اینڈ گیس کمپنی کے مابین پسماندہ علاقوں میں مفت سرجیکل آئی کیمپس کا معاہدہ

منگل 31 اکتوبر 2017 16:47

اسلام آباد (اُردو پوائنٹ اخبارتازہ ترین - آئی این پی۔ 31 اکتوبر2017ء) الشفاء ٹرسٹ آئی ہسپتال اور آئل اینڈ گیس کمپنی پاکستان کے درمیان پاکستان کے پسماندہ اور ضرورت مند علاقوں میں مفت سرجیکل آئی کیمپس کا معاہدہ طے پا گیا۔

(جاری ہے)

اس معاہدے کے تحت الشفاء ٹرست آئی ہسپتال، آئل اینڈ گیس کمپنی کے مالی تعاون سے پاکستان کے چاروں صوبوں کے مختلف پسماندہ علاقوں میں سالانہ 27 سرجیکل فری آئی کیمپس کا انعقاد کرے گا ان کیمپس میں تمام ضرورت مند مریضوں کا مفت علاج اور موقع پر سفید موتیے کا مفت آپریشن بھی کیا جائگا۔

الشفاء ٹرسٹ آئی ہسپتال کے ایگزیگٹیو ڈائریکٹر رضوان اللہ اصغراور آئل اینڈ گیس کمپنی کے سی ایس آر منیجر عبدالرؤف کھجک نے اس بات پر اتفاق کیا کہ پاکستان میں صحت اور تعلیم کے شعبے میں مزید ایسے اقدامات کرنے کی ضرورت ہے اور مستقبل میں بھی الشفاء ٹرسٹ اور آئل اینڈ گیس کمپنی آف پاکستان اس زمرے میں دکھی انسانیت کی خدمت کیلئے تعاون کو جاری رکھیں گے۔