فاطمید فائونڈیشن کے زیراہتمام عطیہ خون کیمپس کاانعقاد

جمعرات 16 نومبر 2017 12:19

پشاور۔ (اُردو پوائنٹ اخبارتازہ ترین - اے پی پی۔ 16 نومبر2017ء)فاطمیدفائونڈیشن کے زیراہتمام پی ٹی سی ایل میں عطیہ خون کیمپس کاانعقادکیا گیا۔ بلڈ کیمپس پشاورہیڈکوارٹر، بورڈ بازار، ورسک روڈ،خیبربازاراوراس کے علاوہ صوابی اورچارسدہ پی ٹی سی ایل آفس میں لگائے گئے جس میں پی ٹی سی ایل کے سینیرافسران، ورکرزاوردیگرعملے نے تھیلیسیمیا وہیموفیلیاء اوردیگرامراض خون میں مبتلابچوں کیلئے 250سے زائدخون کے عطیات دیئے۔

(جاری ہے)

تمام کیمپس کے انعقاد میں پی ٹی سی ایل پشاورکے جنرل منیجربدرزمان،ڈاکٹرسلیم شاہ، ڈاکٹرارباب وہاب ایچ آرمنیجرسعدانور،ایچ آرمنیجرماریہ اورتحسین کابھرپورتعاون حاصل رہا۔ اس موقع پرمیڈیاسے بات چیت کرتے ہوئے جنرل منیجراوردیگرنے کہاکہ انہوںنے پچھلے سال بھی تھیلی سیمیاکے بچوں کیلئے بلڈ کیمپ کاانعقادکیاتھا۔

Facebook Twitter Google + Share on Whatsapp

فاطمید فائونڈیشن کے زیراہتمام عطیہ خون کیمپس کاانعقاد

مزید قومی خبریں