پہلے ماں اور بچے کی اچھی صحت کے پیش نظر مثبت اقدامات کیے جارہے ہیں ‘ مختار احمد بھرت

لاہور (اُردو پوائنٹ اخبارتازہ ترین - این این آئی۔ 29 نومبر2017ء) صوبائی وزیر بہبود آبادی مختار احمد بھرت نے کہا ہے کہ محکمہ بہبود آبادی کی جانب سے خاندان میں مرکزی حیثیت کی حامل ماں اور بچے کی بہبود میں بہتری لائے جانے اور ان کو تحفظ فراہم کرنے کے لیے خاندانی منصوبہ بندی اور بچوں میں مناسب وقفہ سے متعلق معلومات اور خدمات کی فراہمی کو ممکن بنایا جارہا ہے ۔

یہ بات صوبائی وزیر نے یہا ں اپنے دفتر میں ماوئوں اور بچوں کی اچھی صحت کو یقینی بنانے سے متعلق این جی اوز کے نمائندگان سے ملاقات کے دوران کہی ۔انہوں نے کہا کہ اس وقت پنجاب حکومت کا مکمل فوکس عوامی فلاح پر ہے اس مقصد کے لیے سب سے پہلے ماں اور بچے کی اچھی صحت کے پیش نظر مثبت اقدامات کیے جارہے ہیں اور لوگوں کو ضروری معلومات و خدمات دی جارہی ہیں کہ بریسٹ فیڈنگ اور برتھ سپیسینگ ہی وہ ذیعہ ہے جس سے ہر حمل نہ صرف محفوظ ہو سکتا ہے بلکہ پنجاب میں خواتین میں بار بار زچگی سے پیدا ہونے والی پیچیدگیوں اور ہزاروں اموات کو کم کیا جاسکتا ہے اس مقصد کے لیے ڈور ٹو ڈور کمیونٹی ورکرز کام کرر ہے ہیں محکمہ علما ء کے ساتھ ملکر آگاہی مہم چلارہا ہے اور علماء کو ہمارے کسی بھی پیغام پر کوئی اعتراض نہیںانہوںنے مزیدکہا کہ محکمہ بہبودآباد ی کے کمیونٹی بیسڈ ورکرز کام کررہے ہیں ۔

(جاری ہے)

انہوں نے کہا کہ محکمہ کی جانب سے low CPR علاقوںمیں خصوصی طور پر جنوبی پنجاب میں پیرامیڈیکس اور ڈاکٹرز کو تربیت دی جارہی ہے انکے سنٹرز کو اپ گریڈ کیا جارہا ہے تاکہ وہ شام کے وقت عوام کوسہولیات فراہم کریں۔