آئندہ سال کے وسط تک پوری دنیا سے پولیو جیسے مہلک مرض کا مکمل طور پر خاتمہ ہو جائے گا۔ایچ انصاری
جمعہ 8 دسمبر 2006 12:14
(جاری ہے)
9 فیصد قابو پالیا گیا ہے جبکہ پاکستان سمیت انڈیا نائجیریا اور افغانستان میں باقی رہنے والے اعشاریہ ایک فیصد مرض پر 2007ء تک مکمل کنٹرول حاصل کر لیا جائے گا- یہ بات انہوں نے روٹری کلب کے ممبران اور میڈیا کے نمائندوں سے ایک اجلاس کے دوران خطاب کرتے ہوئے کہی اجلاس میں اسسٹنٹ گورنرز ون 3 ڈاکٹر پرویز احسن خان‘ حاجی گلزار اعوان‘ میڈم سعیدہ رحمان‘ روٹری کلب کے دیگر ممبران سمیت پریس کے نمائندگان بھی موجود تھے شکیل ایچ انصاری نے کہا کہ روٹری کلب کی بنیاد 1905ء میں رکھی گئی تھی جس میں تعلیم صحت انجنیئرنگ زراعت اور صنعت و تجارت سمیت تمام شعبہ ہائے زّدگی سے تعلق رکھنے والے انتہائی قابل اور ماہر ترین افراد خدمات انجام دیتے آ رہے ہیں انہوں نے کہاکہ روٹری کلب دنیا کا واحد ادارہ ہے جو بغیر کسی بیرونی امداد کے صرف اور صرف اپنے ممبران کے عطیات سے پوری دنیا میں فلاحی اور تعمیری کام انجام دے رہا ہے انہوں نے کہاکہ اقوام متحدہ کا یونیسکو جیسا ادارہ بھی روٹری کلب کی تجویز پر بنایا گیا روٹری کلب نے شروع سے لوگوں کی خاموش خدمت کا طریقہ اپنایا گیا مگر اب ضروری ہو گیا ہے کہ عام لوگوں کو روٹری کلب کی تنظیم اور اس کے کارناموں سے آگاہ کیا جائے-انہوں نے کہاکہ دنیا بھر میں روٹری کلب کی 32 شاخیں پھیلی ہوئی ہیں اور ات کے تمام ممبران بلا لحاظ رنگ و نسل مذہب اور وطن ایک خاندان کی طرح مل کر کا م کرتے ہیں اور دنیا میں جہاں کہیں بھی کسی بھی شعبے کے ماہرین کی ضرورت پڑے روٹری کلب کے ممبران بلا معاوضہ اپنی خدمات پیش کرتے ہیں انہوں نے کہاکہ پولیو کے خاتمے کیلئے روٹری کلب دنیا بھر میں 65 کروڑ ڈالر خرچ کر چکا ہے جن میں سے پاکستان کو تین کروڑ 50 لاکھ ڈالر دیئے گئے انہوں نے کہاکہ 8 اکتوبر کے زلزلے کے بعد پاکستان کے سوا باقی دنیا سے روٹیرینز نے 70 لاکھ ڈالر کی ادویات کپڑے اور ٹینٹ وغیرہ متاثرین کو مہیا کئے جبکہ پاکستان کے اندر سے روٹری کلب کے ممبران نے تمام این جی اوز اور حکومت سے زیادہ امداد فراہم کی انہوں نے کہاکہ سونامی قطرینہ اور اسی طرح کے دیگر ہنگامی حالات میں روٹری لب کی امداد سرگرمیاں سب سے نمایاں رہی ہیں شکیل ایچ انصاری نے بتایا کہ پاکستان کے پسماندہ علاقوں بالخصوص سندھ میں لوگوں کو پینے کے صاف پانی کی فراہمی اور بارش کا پانی ذخیرہ کرنے کے طریقے سکھانے میں روٹری کلب نے انتہائی شاندار خدمات انجام دی ہیں تعلیم اور صحت کے شعبے میں بھی روٹری کلب نے نمایاں کام کیا ہے اور انہیں خدمات کے اعتراف میں صدر مشرف نے روٹری کلب کو پاکستان کا سب سے بڑا سول ایوارڈ ستارہ امتیاز دینے کا فیصلہ کیا ہے جو آئندہ سال14 اگست کے موقع پر دیا جائے گا انہوں نے بتایا کہ روٹری کلب 30 مارچ سے یکم اپریل 2007ء تک اسلام آباد میں انٹرنیشنل پیس پر ایک عالمی کانفرنس منعقد کروائے گا جس میں دنیا بھر سے روٹری کلب کے ممبران شرکت کریں گے-
مزید قومی خبریں
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
-
بختاوربھٹو بھی مریم نواز کی معترف
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
لاہور میں 50 مقامات پر مفت انٹرنیٹ سروس کا آغاز
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
-
الیکشن کمیشن، ضمنی انتخاب میں قومی اسمبلی کے اراکین کی کامیابی کا نوٹیفکیشن جاری
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
وفاقی وزیرعطا تارڑ نے اعجاز احمد حفیظ کو اپنا کوارڈینیٹر مقرر کردیا
-
9 مئی کیس، بانی پی ٹی آئی کی عبوری ضمانت کی درخواست پر وکلاء کے دلائل طلب
-
ایک ضلع کا ڈپٹی کمشنر اگر کچھ کرنا چاہے تو انقلاب آ جائے‘لاہور ہائیکورٹ
-
ملک میں امن وا مان کی صورتحال زیر بحث لانے کیلئے وزیر داخلہ کو وہ اپنے چیمبر میں مدعو کر سکتے ہیں ،سپیکر قومی اسمبلی
-
پیپلز پارٹی کے دور میں کبھی کوئی سیاسی قیدی نہیں رہا، ہم نے ہمیشہ دوستی اور ہم آہنگی کا ہاتھ بڑھایا ہے، سینیٹر شیری رحمن
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.