عازمین حج وقوف عرفات کی ادائیگی کے بعد مزدلفہ روانہ،حجاج کل صبح منیٰ میں بڑے شیطان کو کنکریاں ماریں گے،بستیاں اُجاڑنے والے انسانی حقوق کی خلاف ورزی کر رہے ہیں،خطبہ حج،مفتی اعظم نے اسلام، مسلم دنیا اور پاکستان و افغانستان میں قیام امن کیلئے خصوصی دعا کی

پیر 15 نومبر 2010 22:23

دنیا بھر سے آئے ہوئے اہل ایمان حج کا رکن اعظم وقوف عرفات ادا کرنے کے بعد مزدلفہ روانہ ہو رہے ہیں۔ جہاں حجاج کرام مغرب اور عشاء کی نماز ادا کریں گے اور کھلے آسمان تلے رات بسر کریں گے ۔ حجاج کرام کل صبح منیٰ میں بڑے شیطان کو کنکریاں ماریں گے ۔ خطبہ حج میں مفتی اعظم نے کہا ہے کہ بستیاں اجاڑنے والے انسانی حقوق کی خلاف ورزی کررہے ہیں، مسلم حکمران عوامی فلاح و بہبود کیلئے کام کریں۔

مفتی اعظم نے اسلام، مسلم دنیا اور پاکستان و افغانستان میں قیام امن کیلئے خصوصی دعا کی۔ میدان عرفات کی مسجد نمرہ میں حج بیت اللہ کا خطبہ مفتی اعظم شیخ عبدالعزیز آل الشیخ نے دیا۔ انہوں نے کہا کہ جو کسی معصوم مسلمان کو قتل کرے اس کے لیے جہنم کی آگ ہے اور آج دنیا کو امن کی ضرورت ہے ، امن کے بغیر کوئی معاشرہ ترقی نہیں کر سکتا۔

(جاری ہے)

شیخ عبدالعزیز آل الشیخ نے خطبہ حج میں فرمایا کہ مسلمان کو قتل و غارت کرنے سے منع کیا گیاہے اور مسلمان کو چاہیے کہ وہ فساد ، بے راہ روی اور زنا سے دور رہے ، اللہ دین میں زیادتی کرنے والوں کو پسند نہیں کرتا۔

شیخ عبدالعزیز آل الشیخ نے فرمایا کہ اسلام کی نظری اور عملی اہمیت یکساں طور پر اہم ہے ، خطبہ حج دیتے ہوئے انہوں نے کہا کہ دین کو واضح کرنے کیلئے اللہ نے حرام اور حلال کو الگ الگ کیا، مسلمان صرف اسی کو حلال سمجھے جسے قرآن نے بتایا، اللہ کے رسول نے فضول خرچی نے منع فرمایا، اللہ نے سود کو کھانا منع کیا

Facebook Twitter Google + Share on Whatsapp

متعلقہ عنوان :

مزید اہم خبریں