حج میں گناہ نہ کیا جائے تو حاجی ایسے ہوجاتا ہے جیسے آج ماں کے پیٹ سے پیدا ہوا ہو،مفتی اعظم سعودی عرب ،مسلمانو! متحد ہوجاؤ ورنہ دشمن تم پر غالب آجائیں گے، اسلام کے دشمنوں سے آگاہ رہو اوران کی چال کامیاب نہ ہونے دو ،اسلام نے سود کو حرام اور ایک دوسرے کو نیکی کاحکم اور برائی سے روکنا لازمی قراردیا، اللہ کی زمین پر اللہ کا نظام نافذ کریں،سیاست دان امت مسلمہ اور اپنی قوم کے وسیع تر مفاد میں ایک دوسرے سے تعاون کریں، اسلام دہشتگردی کی اجازت نہیں دیتا، کسی کو ناحق قتل کرنا منع ہے شریعت کے نفاذ سے ہی معاشرتی برائیوں کا خاتمہ ممکن ہے،شیخ عبدالعزیز بن عبداللہ آل الشیخ کا میدان عرفات میں 30لاکھ سے زائد مسلمانوں کے حج کے اجتماع میں خطبہ

� �فتی اعظم سعودی عرب شیخ عبدالعزیز بن عبداللہ آل الشیخ نے کہا ہے کہ حج میں گناہ نہ کیا جائے تو حاجی ایسے ہوجاتا ہے جیسے آج ماں کے پیٹ سے پیدا ہوا ہو،اسلام نے سود کو حرام اور ایکد وسرے کو نیکی کاحکم کرنا اور برائی سے روکنا کو لازمی قراردیا ہے،دنیا بہت جلد ختم ہو جائیگی اور ہمیں آخرت کی تیاری کرنی چاہئے اور آخرت کے سفر میں سب سے بہترین سامان تقوی ہے ، تقوی اختیار کرنا چاہئے،دنیا میں کوئی مسئلہ ایسا نہیں جس کاحل اسلام میں نہ ہو،مسلمان معاشرہ اپنی خصوصیات کی وجہ سے دنیا میں ممتاز حیثیت رکھتا ہے،ہفتہ کو میدان عرفات میں 30لاکھ سے زائد مسلمانوں کے حج کے اجتماع میں خطبہ دیتے ہوئے انہوں‌نے کہا کہ مسلمانو! متحد ہوجاؤ ورنہ دشمن تم پر غالب آجائیں گے، اسلام کے دشمنوں سے آگاہ رہیں اور اسلام کے جو دشمن ہیں ان کی کسی چال کو کامیاب نہ ہونے دیں اور اللہ تبارک وتعالی کے اس نظام پر بھرپور طریقے سے عمل اور اللہ کی زمین پر اللہ کا نظام نافذ کریں،عالم اسلام مشکلات سے دوچار ہے،فتنوں او رمصیبتوں سے بھاگنا نہیں بلکہ ان کا مقابلہ کرنا ہے،سیاست دان امت مسلمہ اور اپنی قوم کے وسیع تر مفاد میں ایک دوسرے سے تعاون کریں، اسلام کسی بھی قسم کی دہشتگردی کی اجازت نہیں دیتا فساد پھیلانے والوں کیلئے اسلام میں سزائیں مقرر ہیں اسلام میں کسی کو ناحق قتل کرنا منع ہے شریعت کے نفاذ سے ہی تمام معاشرتی برائیوں کا خاتمہ ممکن سوائے اس کے اسلام انفرادی اور اجتماعی زندگی میں اخلاقیات کو ترجیح دیتا ہے عالمی میڈیا اسلام کا تاثر خراب کرنے کے درپے ہے مسلمانوں کے عقائد بگاڑنے کیلئے دشمن میڈیا کا سہارا لے رہے ہیں فحاشی اورر عریانی عروج پر ہے تاجر گراں فروشی کم کریں کاروباری حضرات سود سے پاک معیشت کی تشکیل میں کردار ادا کریں مسلمان تعلیم حاصل کرنے پر توجہ دیں، جدید ٹیکنالوجی بھی حاصل کی جائے