شوکت خانم کینسر ہسپتال پر جھوٹے الزامات لگانے پر خواجہ آصف کو عدالت میں لے جاؤنگا، میرے وکیل (کل) سپریم کورٹ میں کیس دائر کر دیں گے، چوہدری نثار کو خبردار کرتا ہوں کہ شوکت خانم ہسپتال پر کوئی الزام لگایا توعدالت لے جاؤں گا، (ن) لیگ میری مخالفت میں ملک کے سب سے بڑے خیراتی ادارے اور میرے دیگر خیراتی منصوبوں کو تباہ کرنے پر تل گئی ہے، چیف جسٹس فوری سماعت کر یں ،تحریک انصاف کے سربراہ عمران خان کا پریس کانفرنس میں خواجہ آصف کے خلاف قانونی کارروائی کا اعلان

منگل 7 اگست 2012 18:43

تحریک انصاف کے سربراہ عمران خان نے مسلم لیگ (ن) کے مرکزی رہنما خواجہ آصف کی جانب سے شوکت خانم کینسر ہسپتال پر لگائے گئے الزامات پر انہیں عدالت میں لے جانے کا اعلان کرتے ہوئے کہا ہے کہ ان کے وکیل سلمان راجہ ، خواجہ آصف کیخلاف (کل) بدھ کو سپریم کورٹ میں کیس دائر کر دیں گے، چوہدری نثار کو خبردار کرتا ہوں کہ اگر انہوں نے شوکت خانم ہسپتال پر کوئی الزام لگایا تو انہیں بھی عدالت لے جاؤں گا، شوکت خانم کی سرمایہ کاری ڈوب گئی تو زمان پارک لاہور کا گھر بھیج کر ہسپتال کا نقصان پورا کروں گا، نواز شریف نثار اور آصف جیسے سیاسی بچوں کے پیچھے چھپنے کی بجائے خود ٹی وی پر آ کر میرے گیارہ نکاتی سوالنامے کا جواب دیں، (ن) لیگ میری مخالفت میں شوکت خانم جیسے پاکستان کے سب سے بڑے خیراتی ادارے اور میرے دیگر خیراتی منصوبوں کو تباہ کرنے پر تل گئی ہے، چیف جسٹس فوری سماعت کر کے دودھ کا دودھ اور پانی کا پانی کر دیں۔

(جاری ہے)

وہ منگل کو یہاں پارٹی کے سنٹرل سیکرٹریٹ میں پریس کانفرنس سے خطاب کر رہے تھے۔ پارٹی رہنما انعام اللہ خان نیازی، عائلہ ملک و دیگر بھی ان کے ہمراہ تھے