پیپلز پارٹی خطے کی بلا تخصیص تعمیرو ترقی کے لیے زبانی جمع خرچ کی بجائے عملی اقدامات اٹھا رہی ہے، اپوزیشن کے مینڈیٹ کو تسلیم کرتے ہوئے انہیں مساوی ترقیاتی فنڈز دیے جار ہے ہیں ، ماضی کی انتقامی سیاست کی بجائے مفاہمتی پالیسی کے تحت تمام جماعتوں اور طبقوں کو ساتھ لیکر تحریک آزادی سمیت خطے کو حقیقی معنوں میں ترقی یافتہ بنا کر ماڈل اسٹیٹ بنانے کے مشن کو عملی جامہ پہنایا جا رہا ہے،آزاد جموں وکشمیر کے وزیر اعظم چوہدری عبدالمجید کی وفدسے گفتگو
اتوار 14 اکتوبر 2012 16:39
(جاری ہے)
اس موقع پر پولیٹیکل سیکرٹری عامر ذیشان جرال بھی موجود تھے۔ وزیراعظم آزاد کشمیر چوہدری عبدالمجید نے کہا کہ خالق آباد، اسلام گڑھ اور چتر پڑی کے بعد ضلع میرپور کے دیگر مہاجرین کو بھی مالکانہ حقوق عیدالاضحی کے بعد دینے کی منصوبہ بندی کی جارہی ہے اور اس کے بعد مر حلہ وار دیگر اضلاع کے مہاجرین کو بھی مالکانہ حقوق دیے جائینگے۔
انہوں نے کہا کہ اسلام گڑھ اور چکسواری میں منی سٹیڈیم کی تعمیر کا آغاز بھی جلد کیا جائے گااور میرپور سے دھان گلی پل تک دو رویہ سڑک کی تعمیر کا آغاز بھی کیا جا چکا ہے۔ اسی طرح کوٹلی، باغ، اٹھمقام، راولاکوٹ میں بھی کئی میگا پراجیکٹس رواں مالی سال میں ہی شروع کیے جارہے ہیں اور تمام علاقوں میں یکساں ترقیاتی عمل کو آگے بڑھایا جارہا ہے۔ پی ایس ایف کے مرکزی سینئر وائس چیئرمین سردار عبدالشکور کی قیادت میں ملنے والے وفد سے بات چیت کرتے ہوئے وزیرا عظم چوہدری عبدالمجید نے کہا کہ پی ایس ایف پیپلز پارٹی کا بازوئے شمشیر زن اور ہر اول دستہ ہے اور عوامی حکومت ماضی میں پی ایس ایف کے ساتھ ہونے والی زیادتیوں اور نظر انداز کیے جانے کے ازالہ کے لیے ہر ممکن اقدامات اٹھائے گی اور پی ایس ایف کے پڑھے لکھے نوجوانوں کو ہر ممکن روزگار فراہم کرے گی اور ان کی سیاسی ایڈجسٹمنٹ کے لیے بھی ترجیحی بنیادوں پر اقدامات اٹھائے گی۔ انہوں نے کہا کہ میرپور میں انٹرنیشنل ایئرپورٹ اور راولاکوٹ میں تیسرے میڈیکل کالج کے قیام کے لیے بھی رواں مالی سال میں عملی اقدامات اٹھانے کی منصوبہ بندی کی گئی ہے اور خطے میں تعلیمی انقلاب برپا کر کے زیادہ سے زیادہ تعلیمی سہولیات کی فراہمی کے لیے ٹھوس بنیادوں پر اقدمات اٹھائے جا رہے ہیں۔ راجہ زمان کی قیادت میں ملنے والے وفد میں راجہ محمد منیر، حاجی راجہ اختر اور راجہ قمر منیر بھی شامل تھے۔ جبکہ سردار عبدالشکور صدیق کے وفد کی ملاقات کے موقع پر رابطہ آفیسر چوہدری رفیق اور جبار بیگ بھی موجود تھے۔ وزیر اعظم چوہدری عبدالمجید نے وفود سے بات چیت کرتے ہوئے مزید کہا کہ پیپلز پارٹی کی پارلیمانی پارٹی اور اتحادی جماعتوں میں کوئی اختلاف نہیں۔ بعض عناصر ڈس انفارمیشن پھیلا کر حکومت کو تعمیر و ترقی کے مشن سے ہر گز ڈی ٹریک نہیں کر سکتے اور نہ ہی حکومت خطے کو ترقی و خوشحالی کی راہ پر گامزن کرنے کے مشن سے پیچھے ہٹے گی۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.