ڈینگی کے خلاف کامیاب جہاد کرنے والے قوم کے ہیرو ہیں، انعامات سے نوازا جائے گا، ہمیں ڈینگی کے طعنے دینے والے قوم کو مشکل حالات میں چھوڑ کر بیرون ملک چلے گئے، اللہ تعالیٰ نے ہمیں سرخرو کیا، ڈینگی کے خلاف مہم میں بہترین کارکردگی دکھانے والوں کی حوصلہ افزائی کے لئے 10اور 11نومبر کو دو روزہ سیمینارہو گا،وزیراعلیٰ محمد شہبازشریف کا اجلاس سے خطاب
منگل 16 اکتوبر 2012 23:00
(جاری ہے)
ہمیں ڈینگی کے طعنے دینے والے قوم کو مشکل حالات میں چھوڑ کر بیرون ملک چلے گئے۔ اللہ تعالیٰ نے ہمیں سرخرو کیا جبکہ انہیں ڈینگی کی وباء کے دوران غیر سنجیدہ رویہ اپنانے پر شرمسار کیا۔وہ منگل کویہاں ماڈل ٹاؤن میں ڈینگی کے حوالے سے خصوصی اجلاس سے خطاب کررہے تھے۔
جس میں صوبائی وزیرتعلیم میاں مجتبی شجاع الرحمن، ڈپٹی سپیکر پنجاب اسمبلی رانا مشہود احمد، معاون خصوصی خواجہ سلمان رفیق، مشیر زعیم حسین قادری، اراکین قومی و صوبائی اسمبلی، مختلف محکموں کے سیکرٹریز، ترقیاتی اداروں کے سربراہان اور ماہرین بھی اس موقع پر موجود تھے۔ سیکرٹری صحت نے صوبے میں ڈینگی کی صورتحال، اقدامات اور مہم کے حوالے سے تفصیلی بریفنگ دی۔وزیراعلیٰ محمدشہبازشریف نے اجلاس سے خطاب کرتے ہوئے کہاکہ گذشتہ برس ڈینگی کی بدترین وباء کا سامنا تھا۔ ڈینگی کے بدترین حملے سے نمٹنے کے لئے جوکچھ انسانی بس میں تھاکیاگیا۔ ڈاکٹروں ، نرسوں، پیرامیڈیکل سٹاف اور دیگر اداروں کے افراد کو بیرون ممالک سے تربیت دلائی گئی۔ انہوں نے کہاکہ گزشتہ برس کی طرح اس سال بھی ڈینگی پر کنٹرول کرنے کے لئے انتھک کاوشیں کی گئیں۔ ڈینگی کے محاذ پرشاندار ٹیم ورک کا مظاہرہ میں نے اپنی زندگی میں کسی اور محاذ پر نہیں دیکھا۔انہوں نے کہاکہ معاون خصوصی خواجہ سلمان رفیق، متعلقہ اداروں، ضلعی حکومت اور ان کی ٹیموں کی ڈینگی کے خاتمے کی مہم میں شاندار کارکردگی کی جتنی تعریف کی جائے کم ہے۔ انہوں نے کہاکہ ڈینگی کے خلاف مہم میں بہترین کارکردگی دکھانے والوں کی حوصلہ افزائی کے لئے 10اور 11نومبر کو دو روزہ سیمینارکا انعقاد کیاجائے گا۔ جس میں سری لنکا، انڈونیشیاء اور تھائی لینڈ کے ان دوستوں کو بھی مدعو کیاجائے گا جنہوں نے گذشتہ برس ڈینگی مہم کے دوران ہمارے ساتھ بھرپور تعاون کیا۔ انہوں نے کہاکہ ہمیں ڈینگی کے مکمل خاتمے تک اپنی کاوشوں کو جاری رکھناہے اور حالیہ مہم میں سامنے آنے والی کوتاہیوں اور خامیوں کو مدنظر رکھتے ہوئے آئندہ کے لئے مزید موثر لائحہ عمل تیار کرنا ہوگا۔انہوں نے کہاکہ اللہ تعالیٰ کا شکرگزار ہوں جس نے ڈینگی کے خاتمے کے حوالے سے ہماری کاوشوں کو قبول کیا اور اللہ تعالیٰ کے فضل و کرم سے اس سال ڈینگی سے کوئی جان ضائع نہیں ہوئی۔ انہوں نے کہاکہ اللہ تعالیٰ کی اس مہربانی پر یوم تشکر بھی منایاجائے گا۔ انہوں نے کہاکہ سیمینار کا انعقاد کے لئے سٹیرنگ کمیٹی تشکیل دے دی ہے جو ڈینگی کے خلاف جہاد میں شاندار کارکردگی دکھانے والوں کا تعین کرے گی۔ انہوں نے ہدایت کی کہ ایسے سیمینار فیصل آباد،راولپنڈی اور صوبے کے دیگر شہروں میں بھی منعقد کیے جائیں۔قبل ازیں سیکرٹری صحت نے صوبے میں ڈینگی کی صورتحال ،اٹھائے گئے اقدامات اور جاری مہم کے حوالے سے تفصیلی بریفنگ دی۔ انہوں نے بتایا کہ اس سیزن کے دوران ریکٹر سرویلنس اور احتیاطی تدبیر پر خصوصی توجہ دی گئی۔ آج ہمارے پاس عالمی معیار کے ویکٹرز، ڈیسیز اور وبائی امراض کی روک تھام کے سسٹم موجود ہیں۔ انہوں نے بتایا کہ سری لنکا، تھائی لینڈ ، انڈونیشیاء اور عالمی ادارہ صحت سے ٹیکنیکل معاونت بھی حاصل کی گئی۔ کورہیڈ کوارٹر کے بریگیڈیئر اشفاق اور دیگر مقررین نے ڈینگی وباء پر کنٹرول کرنے کے حوالے سے شہبازشریف کی کاوشوں پر انہیں خراج تحسین پیش کرتے ہوئے کہاکہ وزیراعلیٰ کی موثر، متحرک اور دلیرانہ قیادت کی بدولت ڈینگی وائرس پر کنٹرول کرنے کے حوالے سے شاندار کامیابی ملی ہے۔متعلقہ عنوان :
مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
-
خواجہ سلمان رفیق کا عزیز بھٹی شہید ہسپتال گجرات میں چھت گرنے کے واقعہ کا نوٹس،رپورٹ طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.