اقتصادی سرگرمیوں کی شروعات کر کے ریاست کی معیشت کو مزید مستحکم بنایا جا سکتا ہے ‘کسانوں اور چھوٹے ودرمیانی طبقے کے کارخانہ دار ں کے علاوہ تاجروں کیلئے قرضوں میں سہولت دی جائے ‘جموں و کشمیر بنک قرضوں اور ڈیپازٹوں کے درمیان خلیج میں کمی لاکر بر وقت قرضوں کی فراہمی کو ممکن بنائے،مقبوضہ کشمیر کے وزیر اعلی عمر عبداللہ کاسوپور میں جموں و کشمیر کے بینک کے شمالی زون کمپلیکس کی سنگ بنیاد کی تقریب سے خطاب

سوپور(اُردوپوائنٹ اخبارتازہ ترین، آئی این پی ۔23اکتوبر 2012ء) مقبوضہ کشمیر کے وزیر اعلی عمر عبداللہ نے کہا ہے کہ اقتصادی سرگرمیوں کی شروعات کر کے ریاست کی معیشت کو مزید مستحکم بنایا جا سکتا ہے ‘کسانوں اور چھوٹے ودرمیانی طبقے کے کارخانہ دار ں کے علاوہ تاجروں کیلئے قرضوں میں سہولت دی جائے ‘جموں و کشمیر بنک قرضوں اور ڈیپازٹوں کے درمیان خلیج میں کمی لاکر بر وقت قرضوں کی فراہمی کو ممکن بنائے۔

وہ گزشتہ روز یہاں سوپور میں جموں و کشمیر کے بینک کے شمالی زون کمپلیکس کا سنگ بنیاد رکھنے کی تقریب سے خطاب کر رہے تھے۔ اس موقع پر وزیر اعلی نے کہا کہ کسانوں اور چھوٹے ودرمیانی طبقے کے کارخانہ دار ں کے علاوہ تاجروں کے لئے قرضوں کی سہولیت کے لئے زور دیا تاکہ اقتصادی سرگرمیوں کی شروعات کر کے ریاست کی معیشت کو مزید مستحکم بنایا جاسکے۔

(جاری ہے)

وزیر اعلی نے لوگوں کیلئے قرضوں کی فراہمی کے نظام کی شیرازہ بندی کر کے لوگوں کو قرض دینے کی راہ میں حائل روکاٹوں کو دورکرنے کے لئے تلقین کی تاکہ وہ اپنا کاروبار اپنی معیشت کی سرگرمی کو آگے لے جاسکیں ۔انہوں نے بینک سے کہا کہ وہ قرضوں اور ڈیپازٹوں کے درمیان پائے جانے والی خلیج میں کمی لائیں اور وقت پر قرضوں کی فراہمی کو ممکن بنایا جائے۔

عمر عبداللہ نے ریاست کی اقتصادی ترقی کے لئے بینک کے مثبت رول کی تعریف کی۔ وزیر اعلی نے سوپور بائی پاس پل پر ہورہے تعمیراتی کام کا بھی جائزہ لیا ۔بی، آر،او یہ کا م انجام دے رہی ہے۔اس کے علاوہ وزیر اعلی لوگوں سے گھل مل گئے اور ان کے ترقیاتی مطالبات کی شنوائی کی ۔انہوں نے کہا کہ حکومت ریاست کے تمام علاقوں میں ہمہ گیر ترقی یقینی بنانے کے لئے کئی سکیموں پر کام کر رہی ہے۔

انہوں نے کہا کہ ریاست کے تما م علاقوں میں ترقیاتی سرگرمیوں کو عروج دینے کے لئے کئی محاذوں پر حکومت سرگرم عمل ہے ۔انہوں نے لوگوں کو یقین دلایا کہ ان کے جائز مطالبات پر غور کیا جائے گا۔اس موقعے پر اپنے تاثرات کا اظہار کرتے ہوئے جے کے بنک چیئرمین مشتاق احمد نے کہا کہ وزیراعلی نے آج ایک عمارت کا سنگ بنیاڈ ڈالا ہے لیکن یہ عمارت شمالی کشمیر کے لوگوں کیلئے ایک سنگ میل ثابت ہوگا۔

انہوں نے کہاکہ ہم اپنے متعلقین کی جانب سے ہم پر ڈالی گئی ذمہ داریوں سے بخوبی واقف ہیں اور ہم انہیں اپنی خدمات سے مطمئن کرنے کی ہر ممکن کوشش کرتے ہیں ۔انہوں نے کہاکہ یہ عمارت 2برسوں کے اندر مکمل ہوگی ۔اپنے کھاتہ داروں کے تعاون کی سراہنا کرتے ہوئے چیئرمین نے کہاکہ ہم آپ سے جے کے بنک کیلئے متواتر تعاون اور بھروسہ چاہتے ہیں جس سے بنک کو حال ہی میں سی این بی سی ٹی وی18بیسٹ بنک ایوارڑ برائے اولڈ پرائیویٹ بنک کیٹگری کا اعزاز حاصل ہوا ہے۔

بنک کے نیٹ ورک توسیعی منصوبے کے بارے میں تفصیل بتاتے ہوئے مشتاق احمد نے کہاکہ ہم اگلے برس تک 100مزید شاخیں کھولنے کا ارادہ رکھتے ہیں اور اس کیلئے افسران کی بھرتی عمل شروع کی گئی ہے ۔انہوں نے کہاکہ گذشتہ2برسوں کے اندر بنک نے 100نئے برانچ کھولے ہیں ،300اے ٹی ایموں کی تنصیب عمل میں لائی ہے جبکہ اس کیلئے1500سے زائد بنکنگ ایسوسی ایٹس کی تعیناتی کی گئی۔

انہوں نے کہاکہ بڑے متعلقین ہونے کے ناطے عوام کو بہتر خدمات اور سہولیات حاصل کرنے کا پورا حق ہے ۔صارف ہمیشہ صحیح ہوتا ہے ۔ہم نے سماج کے ہر طبقے کیلئے مخصوص سکیمیں اور خدمات تیار کی ہیں ۔یہ ہماری ڈیوٹی ہے کہ ہم اپنے صارفین کو ان اسکیموں اور پروڈکٹس کے بارے میں مکمل جانکاری فراہم کریں۔زو نل آفس سوپور کا مجموعی زمینی احاطہ7000مربع فٹ ہیں ۔آفس بلڈنگ کے علاوہ بنک یہاں آنے والے لوگوں کیلئے ایک چھوٹا سا مہمان خانہ ،عملے کیلئے فلیٹ وغیرہ بھی تعمیر کئے جائیں گے