میرپور،محکمہ صحت میں بیورو کریسی کا ناروا سلوک ، آزاد کشمیر بھر کے سینئر اور سپیشلسٹ ڈاکٹرز میں بے چینی عروج پر پہنچ گئی
جمعہ 2 نومبر 2012 13:23
(جاری ہے)
اندرونی ذرائع کا کہنا ہے کہ ایک سیکرٹری نے یہ رولز چند شخصیات کو نوازنے کے لیے بنائے اور ان میں ترامیم کیں اور جواز یہ پیدا کیا کہ وہ ڈاکٹرز جو 25/25 اور 30/30سال کی سروس کے سینئر لسٹ میں شامل تھے وہ اس لیے 20ویں گریڈ میں نہیں جا سکتے کیونکہ انہوں نے یا تو صرف گریڈنگ کی ہوئی ہے اور یا پھر ڈپلومہ ہولڈرز ہیں۔
جبکہ محکمہ صحت کے نئے سروس رولز کے مطابق صرف انہی ڈاکٹرز کو پروموشن کے لیے لسٹ میں شامل کرنے کے متعلق غور کیا جارہا ہے جنہوں نے فیلو شپ کر رکھی ہے۔ متاثرہ ڈاکٹروں نے کہا ہے کہ ان سروس رولز کا باوا آدم ہی نرالا ہے۔ آج سے 25یا 30سال قبل جن ڈاکٹرز نے محکمہ صحت آزادکشمیر کو جوائن کیا تھا جب اُنہوں نے محکمہ صحت سے فیلو شپ کرنے کے لیے ڈیپوٹیشن کی اجازت مانگی تو محکمہ نے یہ کہہ کر فیلو شپ کی اجازت دینے سے انکار کر دیا کہ آزادکشمیر میں ڈاکٹرز کی شدید ترین قلت ہے اس لیے آپ زیادہ سے زیادہ گریڈنگ یا ڈپلومہ کر سکتے ہیں۔یہ ڈاکٹرز آزادکشمیر کے دشوار ترین پہاڑی علاقوں میں غریب عوام کو علاج معالجہ کی سہولتیں دیتے رہے اور آج جب 20ویں گریڈ میں ترقی کی با ت ہوئی تو مفاد پرست بیورو کریسی نے ان کی خدمات کا اعتراف کرنے کے بجائے ان کی قربانیوں کا خون کرتے ہوئے یہ کہہ دیا کہ گریڈنگ اور ڈپلومہ ہولڈرز کی نسبت فیلو شپ کرنے والوں کو ترجیح دی جائے گی۔ یہ کھلا تضاد ظلم و زیادتی ہے۔متاثرہ ڈاکٹروں نے وزیر اعظم آزادکشمیر چوہدری عبد المجید ، وزیر صحت سردار قمر زمان ، چیف سیکرٹری ارباب شہزاد، سیکرٹری ہیلتھ جنرل عباس اور ڈی جی ہیلتھ ڈاکٹر قربان میر سے اپیل کی ہے کہ اس زیادتی کا سلسلہ روکا جائے۔ بصورتِ دیگر پاکستان میڈیکل ایسوسی ایشن، پاکستان اسلامک میڈیکل ایسوسی ایشن، ینگ ڈاکٹرز ایسوسی ایشن اور دیگر تنظیموں کے ساتھ مل کر احتجاج کا طریقہ کار طے کیا جائے گا۔انتہائی موثر ذرائع نے یہ بھی بتایا ہے کہ اگر جلد از جلد سینئرڈاکٹرز کی حق تلفی کے قوانین تبدیل نہ کئے گئے تو آزادکشمیر بھر میں تمام ڈاکٹرز ہڑتال پرجاسکتے ہیں اور قیمتی جانیں ضائع ہونے کا خطرہ پیدا ہو سکتا ہے۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.