سنگدل سکول ٹیچرکامعصوم طالبعلم پر بدترین وحشیانہ تشدد،ایک بازوتوڑکراپاہج بنادیا،شوگراوردل کے مریض والدپر اپنے لخت جگرکی حالت دیکھ کر غشی کے دورے،پولیس نے مقدمہ درج کرلیا

جمعہ 2 نومبر 2012 23:17

مریدکے(اُردو پوائنٹ اخبار تازہ ترین۔ آئی این پی۔2نومبر ۔2012ء) سنگدل سکول ٹیچرکامعصوم طالبعلم پر بدترین وحشیانہ تشدد،ایک بازوتوڑکراپاہج بنادیا،شوگراوردل کے مریض والدپر اپنے لخت جگرکی حالت دیکھ کر غشی کے دورے،پولیس نے مقدمہ درج کرلیا۔تفصیلات کے مطابق پرانی نارنگ چونگی ظفرپارک میں واقع شاہدگرائمرپبلک سکول مریدکے زیرتعلیم چوتھی کلاس کاطالبعلم محمدوسیم ولدمحمدسلیم جوکہ تین دن غیرحاضررہنے کے بعدسکول آیاتھاکہ پرنسپل اعجازمغل نے اپنے دفترمیں بلواکرزدوکوب کرتے ہوئے کلاس ٹیچرذیشان کو پٹائی کاحکم دیاجس نے چھڑیاں مارمارکر معصوم طالبعلم کابراحال کردیابچے کے چیخنے چلانے کی آوازیں سن کر دیگرطلباء کے ہمراہ اسکی بہن صباء سلیم بھی موقع پرپہنچ گئی اورٹیچرکے پاؤں پکڑکراپنے بھائی کیلئے رحم کی بھیک مانگنے لگی مگرسنگدل ٹیچر نے ایک نہ سنی اور مزیدتشددکرکے اسکاایک بازوتوڑدیاجس سے متاثرہ طالبعلم بیہوش ہوگیابعدازاں مذکورہ طالبعلم کابیمار والدسلیم بھی اپنی بیٹی کی اطلاع پر موقع پرپہنچ گیاجس سے اپنے لخت جگرکی حالت دیکھی ناگئی اور تو وہ بھی صدمہ سے سکتہ میں آگیا جس پرمتاثرہ بچے اوراسکے والدکو دیگراہل محلہ نے فوری طبی امدادکی غرض سے تحصیل ہیڈکوارٹرہسپتال مریدکے پہنچادیاجہاں پردونوں کی حالت تشویشناک بتائی جاتی ہے۔

(جاری ہے)

واضح رہے کہ متاثرہ طالبعلم کاوالدشوگر اوردل کامریض ہے جسے قبل ازیں بھی دومرتبہ دل کادورہ پڑچکاہے۔ تھانہ سٹی مریدکے پولیس نے مذکورہ سکول ٹیچراورانتظامیہ کیخلاف مقدمہ درج کرکے کاروائی کاآغازکردیاہے۔

متعلقہ عنوان :