خیبر پختونخوا چیمبر آف کامرس اینڈ انڈسٹری اور ایران کے مابین لوکل کرنسی میں تجارت ، دونوں ممالک کے مابین بینکنگ سسٹم کے قیام ، دونوں ممالک کو موسٹ فیورٹ نیشن کا درجہ دینے ، تجارتی وفود کے تبادلے ،صنعت و تجارت ،انرجی ،تعلیم ،صحت اور زراعت کے شعبوں میں تعاون سمیت سیاحت کے فروغ اور دونوں ممالک میں ایگزیبیشن کے انعقاد پر اتفاق ، فارس کے گورنر جنرل کی خیبر پختونخوا میں آئل ریفائنری کے قیام اور جدید ٹیکنالوجی دینے کی پیشکش
اتوار 18 نومبر 2012 19:00
(جاری ہے)
اس موقع پر خیبر پختونخوا چیمبر کے صدر ڈاکٹر محمد یوسف سرور ، بزنس مین فورم کے لیڈر سینیٹر الیاس احمد بلور ، صوبائی وزیر اطلاعات میاں افتخار حسین ، ایران کے قونصل جنرل حسن درویش وند ، خیبر پختونخوا چیمبر کے سینئر نائب صدر ملک افتخار احمد اعوان ، نائب صدر محمد انیس ، چیمبر کے سابق صدور غلام سرور خان مہمند ، عفان عزیز اور انجینئر مقصود انور پرویز ، عاد ل کاکا خیل ، ایس آئی ڈی بی کے ایم ڈی اور ایران کے مختلف شعبوں سے وابستہ افراد بھی موجود تھے ۔
ایرانی وفد کے ساتھ ملاقات کے دوران خیبر پختونخوا چیمبر کے صدر ڈاکٹر محمد یوسف سرور نے بات چیت کرتے ہوئے ایرانی سرمایہ کاروں کو صوبہ خیبر پختونخوا میں ہائیڈل پاور جنریشن کے شعبے سمیت ٹورازم اور دیگر شعبوں میں سرمایہ کاری کی دعوت دی ۔ انہوں نے کہا کہ دونوں ممالک باہمی تجارت کے فروغ کے لئے لوکل کرنسی میں تجارت کریں ۔ انہوں نے پاکستان اور ایران کے درمیان تجارتی حجم کو بڑھانے کی ضرورت پر زور دیا ۔انہوں نے کہا کہ پشاور افغانستان اور وسطی ایشیائی ریاستوں کے لئے گولڈن گیٹ وے کی حیثیت رکھتا ہے ۔اس اعتبار سے ایران صوبہ خیبر پختونخوا میں سرمایہ کاری کے مواقعوں سے فائدہ حاصل کرسکتا ہے ۔ انہوں نے تجارتی وفود کے تبادلے کی ضرورت پر زور دیا اور دونوں ممالک میں بینکنگ چینلز کے قیام کو دونوں جانب کی بزنس کمیونٹی کے لئے مفید قرار دیا ۔ اس موقع پر فارس کے گورنر جنرل حسین صادق عابدین نے پشاور اور ایران کے شہر شیراز کے مابین براہ راست فلائٹس شروع کرنے کی تجویز پیش کی ۔ انہوں نے کہا کہ دونوں ممالک کو معدنیات ، انرجی سیکٹر میں سرمایہ کاری ، تعلیم زراعت اور لائیو سٹاک سمیت دیگر شعبوں میں ایک دوسرے کی مہارت سے فائدہ اٹھانا چاہئے ۔ انہوں نے کہاکہ ایران صوبہ خیبر پختونخوا میں پن بجلی اور گیس کی پیداوار بڑھانے سمیت کئی شعبوں میں تعاون کے لئے تیار ہے ۔ انہوں نے خیبر پختونخوا میں آئل ریفائنری اور جدید ٹیکنالوجی کی فراہمی کی پیشکش بھی کی ۔ اس موقع پر سینیٹر الیاس احمد بلور نے خطاب کرتے ہوئے دونوں ممالک کے مابین لوکل کرنسی میں تجارت کی تجویز سے اتفاق کیا اور کہا کہ ایران گیس اور آئل کے شعبے میں تعاون کرے اور صوبہ خیبر پختونخوا میں آئل ریفائنری کے قیام میں اپنا کردار ادا کرے ۔ انہوں نے کہا کہ دونوں ممالک کے مابین باہمی تجارت کے فروغ کی ضرورت پر زور دیا۔ غلام سرور خان مہمند اپنے خطاب میں کہا کہ اسلامی ممالک باہمی تجارت کو فروغ دیں اور اس سلسلے میں پاکستان اور ایران اہم کردار ادا کرسکتے ہیں۔ ملاقات کے دوران ایرانی وفد میں شامل مختلف شعبوں سے تعلق رکھنے والے افراد نے بھی خطاب کیا اور دونوں ممالک کے مابین تجارت کے حوالے سے اہم بات چیت کی ۔مزید تجارتی خبریں
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
-
ملک میں سیمنٹ کی ریٹیل قیمتوں میں گزشتہ ہفتہ کے دوران کمی
-
برائلرگوشت کی قیمت میں مزید 25 روپے کلو کمی
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.