طبیعت بہتر ہے ، سری لنکاکیخلاف میچ کھیلوں گا،بھارت کیخلاف میچ جیتا تو کسی نے جان بوجھ کر شرارت کی ، میرے کچھ ٹیسٹ ہوئے ہیں ،خطرے والی کوئی بات نہیں ، پاکستان کو ورلڈ ٹی ٹوئنٹی جتوانا چاہتا ہوں، پاکستان بلائنڈ کرکٹ ٹیم کے کپتان ذیشان عباسی کی نجی ٹی وی چینل سے ٹیلیفون پر بات چیت

بنگلور(اُردو پوائنٹ اخبار تازہ ترین۔آئی این پی۔8دسمبر۔ 2012ء) پاکستان بلائنڈ کرکٹ ٹیم کے کپتان ذیشان عباسی نے کہا ہے کہ اب انکی طبیعت بہتر ہے اور وہ سری لنکاکیخلاف میچ کھیلیں گے،بھارت کیخلاف میچ جیتا کسی نے شرارت کی ہے۔بھارتی شہربنگلور میں موجود پا ذیشان عباسی نے نجی ٹی وی چینل سے ٹیلیفون پر بات کرتے ہوئے بتایا کہ ہم چھ کھلاڑی اکٹھے ایک ٹیبل پر ناشتہ کر رہے تھے،ناشتے کے دوران پانی پیا تو ذائقہ کچھ عجیب سا محسوس ہوا۔

ناشتے کے ٹیبل پر پانی کی دیگر بوتلوں جیسی بوتل رکھی گئی تھی،جس میں کوئی مضر صحت مشروب تھا،جس کے باعث مجھے الٹیاں بھی ہوئیں،تاہم میں بنگلہ دیش کیخلاف میچ کھیلنے کیلئے گراونڈ چلا گیا،لیکن گلے میں تکلیف کے باعث انتظامیہ سے ہسپتال لے جانے کا کہا،جہاں میرے کچھ ٹیسٹ ہوئے ہیں اور مجھے بتایا گیا ہے کہ خطرے والی کوئی بات نہیں ،ایک سوال کے جواب میں ذیشان عباسی نے بتایا کہ کل بھارت سے میچ جیتا ہے کسی نے جان بوجھ کر ایسی حرکت کی ہے،تاہم اب میری طبیعت بالکل ٹھیک ہے اور کل سری لنکا کیخلاف میچ کھیلوں گا،ٹورنامنٹ کے پی آر او کیشو جوزف نے بتایا کہ ہاوس کیپر کی غلطی کے باعث یہ اتفاقی حادثہ ہوا ہے جس کیخلاف قانونی کارروائی کی جا رہی ہے،ہم بھائی بھائی ہیں کسی پاکستانی کھلاڑی کیخلاف سازش کا سوچا بھی نہیں جا سکتا۔

(جاری ہے)

پی سی بی ترجمان کے مطابق بورڈ کے اعلی عہدیدار بلائنڈکرکٹ ایسوسی ایشن سے رابطے میں ہیں،اور انتظامیہ کو فون کرکے مکمل تعاون کی یقین دہانی کروائی ہے۔