عوام کو جدید طبی سہولیات فراہم کرنے کے منصوبے تیزی سے مکمل کئے جا رہے ہیں، سٹیٹ آف دی آرٹ راولپنڈی انسٹی ٹیوٹ آف کارڈیالوجی 25دسمبر سے امراض قلب میں مبتلا افراد کو طبی سہولیات کی فراہمی شروع کر دے گا، ہسپتال کو خود مختار ادارے کے طور پر چلایا جائے گا، وزیر اعلیٰ پنجاب محمد شہباز شریف کا شعبہ صحت کے منصوبوں پر پیش رفت کا جائزہ لینے سے متعلق اجلاس سے خطاب
منگل 11 دسمبر 2012 19:40
(جاری ہے)
وہ یہاں راولپنڈی انسٹی ٹیوٹ آف کارڈیالوجی اور شعبہ صحت کے دیگر منصوبوں پر پیش رفت کا جائزہ لینے کے حوالے سے منعقدہ اجلاس سے خطاب کر رہے تھے۔
معاون خصوصی برائے صحت خواجہ سلمان رفیق ،ممبر قومی اسمبلی حنیف عباسی ، چیئرمین منصوبہ بندی و ترقیات ، سیکرٹریز صحت، خزانہ ، کمشنر راولپنڈی ڈویژن ، ایم ایس راولپنڈی انسٹی ٹیوٹ آف کارڈیالوجی نے اجلاس میں شرکت کی۔ راولپنڈی انسٹی ٹیوٹ آف کارڈیالوجی کے چیف ایگزیکٹو آفیسر اظہر محمود کیانی نے زیرتکمیل منصوبے پر پیش رفت سے آگاہ کیا۔ وزیراعلیٰ محمد شہبازشریف نے اجلاس سے خطاب کرتے ہوئے کہاکہ عوام کو صحت کی بہترین سہولیات کی فراہمی حکومت پنجاب کی اولین ترجیح ہے اور اس مقصد کے لئے ہر ممکن وسائل فراہم کئے جا رہے ہیں۔ صحت کے منصوبوں کیلئے ریکارڈ فنڈز کا اجراء کیا گیا ہے۔ ہسپتالوں میں کم وسیلہ مریضوں کو اربوں روپے کی مفت ادویات فراہم کی جا رہی ہیں۔ راولپنڈی میں امراض قلب کاسٹیٹ آف دی آرٹ ہسپتال بنایا گیا ہے جس کا مقصد دل کے مریضوں کو علاج کی جدید سہولیات مہیا کرنا ہیں۔ ہسپتال کو خود مختار ادارے کے طور پر چلایا جائے گا، اس ضمن میں ضروری قانون سازی بھی کی جا رہی ہے۔ وزیراعلیٰ نے معاون خصوصی خواجہ سلمان رفیق کی سربراہی میں کمیٹی تشکیل دیتے ہوئے کہاکہ یہ کمیٹی ہسپتال کی خودمختاری کیلئے مسودہ قانون تیار کرے گی ، ہسپتال کے لئے ضروری پوسٹوں اور دیگر انتظامی و مالی امور کے حوالے سے سفارشات مرتب کر کے پیش کرے گی اور اس کمیٹی کی سفارشات پر پوری طرح عملدرآمد کو یقینی بنایاجائے گا۔وزیراعلیٰ نے کہاکہ ہسپتال میں نرسنگ ہوسٹل کے قیام اور دیگر سہولتوں کے لئے فنڈز بھی فوری طور پر فراہم کئے جا رہے ہیں۔ چیف ایگزیکٹو آفیسر راولپنڈی انسٹی ٹیوٹ آف کارڈیالوجی نے ہسپتال کے انتظامی و مالی امور کے بارے میں آگاہ کرتے ہوئے بتایا کہ ہسپتا ل کے لئے طبی آلات اور مشینری پہنچ چکی ہے جسے 15دسمبر تک نصب کر دیا جائے گا۔ انہوں نے بتایا کہ صفائی اور سکیورٹی کے نظام کو آؤٹ سورس کیا گیا ہے اور اس ہسپتال کو لند ن چلڈرن یونیورسٹی، ٹیچنگ ہسپتال اور دیگر اداروں کے ساتھ منسلک کیا گیا ہے۔ ہسپتال کے سٹاف کو ان اداروں سے تربیت دلائی جائے گی۔متعلقہ عنوان :
مزید قومی خبریں
-
حکومت کی اقتصادی حکمت عملی میں صنعتی ترقی اور برآمدات کا فروغ اولیں ترجیح ہے، بجٹ میں صنعتی پالیسی لا رہے ہیں‘رانا تنویر حسین
-
وزیرِاعلی سندھ نے پیپلزبس سروس آٹو میٹڈ فیئر کلکشن سسٹم کا افتتاح کر دیا
-
حکومت کسانوں، گندم کے مسئلے پر بہت فکر مند ہے‘ احسن اقبال
-
وزیراعلیٰ مریم نوازشریف کا راجن پور میں 8 سالہ بچی سے زیادتی کے واقعہ کا نوٹس
-
پاکستان انٹرنیشنل ایئرلائن آمدہ حج سیزن کے دوران تقریبا ً34 ہزار عازمین حج کو 170 پروازوں کے ذریعے حجازمقدس پہنچائے گی
-
وزیرمواصلات عبدالعلیم خان کا سمبڑیال کھاریاں موٹروے کا فضائی دورہ
-
9 مئی واقعات کی شفاف تحقیقات کے بغیرملک آگے نہیں بڑھ سکتا ، زرتاج گل
-
کلر کہار، ڈرائیور اپنے کی ٹریکٹر کی زد میں آ کر جاں بحق
-
9 مئی: عمرسرفرازچیمہ کی درخواست ضمانت پرسرکاری وکیل سے دلائل طلب
-
9 مئی : ڈاکٹر یاسمین راشد کی ضمانت کی درخواستوں پر پراسیکیوشن کو کل تک مہلت
-
ٹرانسپورٹرز کے جائز مسائل حل کئے جائیں گے ،انسداد سمگلنگ کارروائی جاری رہے گی ،میرسرفرا زبگٹی
-
گورننس کی بہتری کیلئے اقدامات اٹھا ئے جا رہے ہیں ،سول سروسز کے تمام گروپس کو ساتھ دینا ہوگا،وزیر اعلی بلوچستان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.