سال 2012 کا راؤنڈ اپ‘مقبوضہ کشمیر میں انسانی حقوق کمیشن میں336 کیس درج کئے گئے، انسانی حقوق کمیشن سرینگر کے پاس 37افراد کے لاپتہ ہونے کی شکایات ،42افراد کو مختلف طریقوں سے ہراساں کئے جانے 8افراد کو پاسپورٹ کی فراہمی سے انکار ‘ 6شکایتیں ہسپتال انتظامیہ کی نااہلی اور طبی سہولیات کے فقدان سے متعلق درج ہوئیں، عصمت ریزیوں سے متعلق 7معاملات ‘ آر پار تجارت سے سے متعلق 4شکایات کمیشن کے پاس درج کی گئیں، ریاستی انسانی حقوق کمیشن میں جہاں گمنام قبروں ،حراستی ہلاکتوں اور اسی طرز کے دیگر معاملات کا زیادہ چرچا ہوتا ہے
جمعرات 20 دسمبر 2012 14:32
(جاری ہے)
اعداد وشمار کے مطابق رواں برس آر پار تجارت سے متعلق 4شکایات کمیشن کے پاس درج کی گئیں۔ ریاستی انسانی حقوق کمیشن میں جہاں گمنام قبروں ،حراستی ہلاکتوں اور اسی طرز کے دیگر معاملات کا زیادہ چرچا ہوتا ہے وہیں سال2012میں کمیشن کے سامنے سرکاری نوکریوں سے سبکدوش ہونے کے بعد پنشن نہ ملنے پر بھی شکایات درج کی گئی ہیں جن کی سماعت جاری ہے۔
رواں برس کے آخیر تک ایسے تین معاملات کمیشن میں درج کئے گئے ہیں جبکہ سیکورٹی بندوبست کے حوالے سے 10،اراضی تنازعہ پر3شکایات ،زیر حراست ہلاکت کا ایک کیس ،غیر قانونی تعمیر سے متعلق ایک شکایت ،تحصیلدار سرنکوٹ کے خلاف ایک شکایت ،شادی شدہ خاتون کے نان و نفقہ سے متعلق ایک شکایت ،مہاجر الاؤنس سے متعلق ایک شکایت موصول ہوئی ہیں۔حقوق کمیشن کے پاس وادی میں قائم کئی یتیم خانوں میں زیرپرورش بچوں کے استحصال کی تین شکایتیں بھی درج کی گئی ہیں۔اعداد وشمار کے مطابق سال2012کے دوران درج کی گئی336شکایات میں سے 133شکایتیں مختلف محکموں اور افراد کیخلاف درج کی گئیں جبکہ 203شکایتیں ہلاکتوں،ایس آر او 43پر عمل درآمد نہ کئے جانے اور اسکولی بچوں کی گرفتاری کے علاوہ پپر گیس کے استعمال سے متعلق بھی شکایات میں شامل ہیں۔حقوق کمیشن کے پاس مختلف نوعیت کی شکایات درج کئے جانے کے حوالے سے وادی کے سرگرم حقوق کارکن اور انٹرنیشنل فورم فار جسٹس و ہیومن رائٹس فورم چیئرمین محمد احسن انتو کا کہنا ہے کہ سرکاری سطح کے کمیشن کے پاس گذشتہ کئی برسوں سے لوگ شکایات درج کرتے ہیں چونکہ یہاں فورسز کے ہاتھوں انسانی حقوق پامالیوں کا معاملہ اولیت درجہ کا ہے اس وجہ سے دیگر معاملات پر زیادہ چرچا نہیں ہوتا تھا۔انہوں نے کہاکہ اب لوگوں میں انسانی حقوق کے حوالے سے بیداری پائی جاتی ہے اسی لئے وہ زیادہ تر کمیشن یا ایسے ہی مقامی و بین الاقوامی اداروں کے پاس انصاف طلب کرنے کیلئے جاتے ہیں۔تاہم احسن انتو کا خیال ہے کہ سرکاری حقوق کمیشن کے حد اختیار میں صرف کیسوں کو نپٹانے کیلئے سفارشات پیش کرنے کا ہی اختیار ہے جبکہ ان سفارشات پر عمل درآمد صرف حکومت کے ہی دائرہ اختیار میں ہے تاہم ان سفارشات کو بعد میں ردی کی نذر ہی کیا جاتا ہے۔اس دوران انسانی حقوق کمیشن کے سیکریٹری طارق بانڈے نے بات کرتے ہوئے کہاکہ عوامی بیداری کے باعث اب کمیشن کے پاس زندگی کے مختلف شعبوں سے متعلق معاملات بھی آرہے ہیں۔انہوں نے کہاکہ یہ حوصلہ افزاء بات ہے کہ اب عام لوگ گھریلو تشدد ،اسکولوں،سرکاری محکمہ جات اور دیگر اداروں سے متعلق بھی اپنی شکایات کا ازالہ کرانے کیلئے کمیشن سے رجوع کرتے ہیں۔سیکریٹری کمیشن کا کہنا تھا کہ موجودہ سربراہ کی قیادت میں کمیشن نے کئی ایسے معاملات جن میں سیکورٹی ،ماحولیات ،تعلیمی ادارے ،اور اس طرح کے دیگر اشوز کو صحیح معنوں میں از خود ایڈرس کیا جس سے عوامی اعتماد بڑھ گیا اور اب لوگ دیگر اداروں کے پاس اپنی شکایات کا ازالہ کرنے کے بجائے حقوق کمیشن سے ہی رجوع کرتے ہیں اور یہ رجحان حوصلہ افزاء ہے۔انہوں نے کہاکہ انسانی حقوق کمیشن انصاف کے متلاشی افراد کو حتی المقدور سستا انصاف فراہم کرتا ہے اسی لئے عوام کو بھی مختلف معاملات میں کمیشن سے استفادہ کرنا چاہئے۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.