خو د کش حملو ں کے باعث پاکستان دہشت گردی کے حوالے سے فلسطین اور کشمیر کا منظر پیش کر رہا ہے مخصوص ذہنیت نے ہمیں فرقہ واریت، لسانی اور علاقائی تعصبات کی طرف دھکیل کر تعلیم سے دو ر کر دیا ہے جب تک ہم تعلیم کے میدان میں ترقی نہیں کرتے ہم پاکستان کا حقیقی چہرہ دنیا کے سامنے پیش نہیں کر سکتے ،وزیر مملکت برائے اطلاعات و نشریات سید صمصام علی بخاری کا اوکاڑہ پریس کلب اور اوکاڑہ یونین آف جرنلسٹس کے نو منتخب عہدیداران کی تقریب حلف وفاداری سے خطاب

اتوار 23 دسمبر 2012 18:52

اوکاڑہ (اُردو پوائنٹ اخبار تازہ ترین۔آئی این پی۔23دسمبر۔ 2012ء) وزیر مملکت برائے اطلاعات و نشریات سید صمصام علی بخاری نے کہا ہے کہ خو د کش حملو ں کے باعث پاکستان دہشت گردی کے حوالے سے فلسطین اور کشمیر کا منظر پیش کر رہا ہے مخصوص زہنیت نے ہمیں فرقہ واریت، لسانی اور علاقائی تعصبات کی طرف دھکیل کر تعلیم سے دو ر کر دیا ہے جب تک ہم تعلیم کے میدان میں ترقی نہیں کرتے ہم پاکستان کا حقیقی چہرہ دنیا کے سامنے پیش نہیں کر سکتے ۔

(جاری ہے)

وہ یہاں اوکاڑہ پریس کلب اور اوکاڑہ یونین آف جرنلسٹس کے نو منتخب عہدیداران کی تقریب حلف وفاداری سے خطاب کر رہے تھے جس میں پیپلز پارٹی کے مرکزی راہنما و امیدوار قومی اسمبلی حلقہ این اے 144 محمد عارف چوہدری ، وفاقی پارلیمانی سیکرٹری خزانہ چوہدری سجاد الحسن ، سابق صوبائی وزیر محمد اشرف خا ں سوہنا ایم پی اے ، سابق صوبائی وزیر مسلم لیگ (ن) کے راہنما رانا اکرام ربانی ، میاں محمد منیر ، امیر جماعت اسلامی ضلع اوکاڑہ کیپٹن ڈاکٹر لیاقت علی کوثر ، مرکزی انجمن تاجران اوکاڑہ کے صدر حاجی چوہدری محمد سلیم صادق ، ڈاکٹر محمد اعظم خاں اور ڈاکٹر جاوید اختر چوہدری کے علاوہ مختلف طبقہ ہائے زندگی سے تعلق رکھنے والے افراد کی بڑی تعداد نے شرکت کی وزیر مملکت صمصام بخاری نے کہا کہ پاکستان میں دہشت گردی کا جو سیلاب آیا ہواہے اس میں سیاست دانو ں سمیت عوام نے بے پنا ہ قربانیاں دی ہیں صوبہ خیبر پختو نخوا ہ کے سینئر صوبائی وزیر بشیر احمد بلور کی شہادت ایک بڑا سانحہ ہے مگر ہمیں دہشت گردی کے عوامل اور اس کو فرو غ دینے والی مخصوص ذہنیت کا خاتمہ کر نا ہے انہو ں نے کہاکہ دنیامیں پاکستان کی دشمن قوتیں اسے ایک ناکام ریاست کے طور پر پیش کر نا چاہتی ہیں ہمیں اتفاق و اتحاد سے اس سازش کو ناکام بنانا ہے انہو ں نے کہا کہ ہمارے درمیان کوئی اور چیز مشترک ہو نہ ہو سب کا پاکستانی ہو نا مشترک ہے ہمیں سب سے پہلے پاکستان کا مفاد سوچنا چاہیئے اگر ہم پاکستان کے مفاد کے مشترکہ نقطے پر اکھٹے ہو گئے تو پھر پاکستان کو مستحکم ہونے اور ترقی کرنے سے کوئی نہیں روک سکتاتقریب سے اوکاڑہ پریس کلب کے تاحیات چئیرمین منیر چوہدری کی نمائندگی کر تے ہو ئے محمد اسلم پراچہ نے خطبہ استقبالیہ پیش کیا جبکہ اوکاڑہ پریس کلب کے ریٹائر ڈ ہو نے والے صدر حاجی عبدالحمید جج ، ریٹائرڈ ہو نے والے جنرل سیکرٹری حفیظ نظامی ، اوکاڑہ پریس کلب کے نو منتخب صدر چوہدری ظفر اقبال اور جنرل سیکرٹری شفیق الرحمن شیخ نے بھی خطاب کیا وزیر مملکت نے اوکاڑہ پریس کلب اور اوکاڑہ یونین اور جرنلسٹس کے نو منتخب عہدیداران سے حلف لیا اور جبکہ سید صمصام بخاری کو اوکاڑہ پریس کلب کی جانب سے نومنتخب صدر ظفر اقبال چوہدری نے بہترین پارلیمنٹیرین کی یادگاری شیلڈ دی آخر میں مہمانو ں کے اعزاز میں پر تکلف عشائیہ دیا گیا ۔