آزادخطہ کی عوام کوبنیادی حقوق کی فراہمی پیپلزپارٹی کی حکومت کی اولین ترجیح ہے، بنیادی تعلیم  طبی مراکز  رسل ورسائل کی سہولیات کی فراہمی کے لئے وزیراعظم کی قیادت میں حکومت دن رات مصروف عمل ہے ،وزیرتعمیرات عامہ شاہرات آزادکشمیرچوہدری محمدرشید کی میڈیا سے گفتگو

اتوار 13 جنوری 2013 14:15

مظفرآباد(اُردو پوائنٹ اخبار تازہ ترین۔آئی این پی۔13جنوری۔2013ء) وزیرتعمیرات عامہ شاہرات آزادکشمیرچوہدری محمدرشید نے کہاہے کہ آزادخطہ کی عوام کوبنیادی حقوق کی فراہمی پیپلزپارٹی کی حکومت کی اولین ترجیح ہے بنیادی تعلیم  طبی مراکز  رسل ورسائل کی سہولیات کی فراہمی کے لئے وزیراعظم چوہدری عبدالمجید کی قیادت میں حکومت دن رات مصروف عمل ہے ڈیڑھ سال کے دورحکومت میں پی پی حکومت نے عوامی خوشحالی کے لئے جواقدامات اٹھائے ان کو عوام کے ساتھ اپوزیشن بھی سراہارہی ہے وہ گزشتہ روز اخباری نمائندوں سے بات چیت کررہے تھے انہوں نے کہاکہ پیپلزپارٹی آزادکشمیر شہید بابا ذوالفقارعلی بھٹو اور شہید جمہوریت محترمہ بے نظیربھٹو کے افکار ونظریات کی تکمیل کرکے ان کی ارواح کو تسکین پہنچانے کے لئے دن رات مصروف عمل ہے پی پی کی بنیاد مسئلہ کشمیرپر رکھی گئی تھی اسی لئے پیپلزپارٹی کی قیادت نے ہمیشہ بین الاقوامی سطح پر مسئلہ کشمیرکاحل کشمیریوں کی امنگوں کے مطابق حل کروانے کے لئے اپنی آوازبلند کی صدر پاکستان آصف علی زرداری نے جس اندازمیں مسئلہ کشمیرکو فلیش پوائنٹ بنایا وہ اپنی مثال آپ ہے چوہدری رشید نے مزید کہاکہ بھارت کی جانب سے کنٹرول لائن پر بلااشتعال فائرنگ  سیزفائر لائن کی خلاف ورزی بھارتی جارحیت کامنہ بولتا ثبوت ہے آزادحکومت کل بھارتی جارحیت کے خلاف پرامن احتجاج کرکے عالمی دنیاکو اپناپیغام پہنچائے گی اور اقوام متحدہ سے مطالبہ کیاجائیگا کہ وہ اپنی قراردادوں پرعملدرآمدکرواتے ہوئے مسئلہ کشمیرکا پرامن حل یقینی بنائے ۔