مسئلہ کشمیر حل نہ ہوا تو چوتھی عالمگیر اور ایٹمی جنگ پوری دنیا کو لپیٹ میں لے گی‘کرڑوں انسانوں کو موت کے منہ میں جانے سے بچانے کے لیے اقوام متحدہ اور عالمی برادری کشمیریوں کو حق دلائے،اقوام متحدہ بروقت کشمیریوں کو حق دلاتی آج تک پانچ لاکھ کشمیری موت کی نیند نہ سوتی ،پانچ لاکھ کشمیریوں کو خون جہاں بھارت کے سر ہے وہاں اقوام متحدہ بھی ذمہ دار ہے،قاضی حسین احمد پورے عالم اسلام کے خیرخواہ تھے،انسانیت کی خدمت اور دین کا غلبہ ان مشن تھا،پاکستان کی قومی قیادت قاضی حسین احمد کے مشن پر چلتے ہوئے کشمیریوں کی پشتیبانی کرے،امیرجماعت اسلامی آزاد کشمیر عبدالرشید ترابی او ردیگر کا قاضی حسین احمد کی یاد میں تعزیتی ریفرنس سے خطاب

ہاڑی گہل(اُردو پوائنٹ اخبار تازہ ترین۔آئی این پی۔18جنوری۔2013ء) جماعت اسلامی آزادجموں وکشمیرکے امیر عبدالرشید ترابی نے کہاہے کہ مسئلہ کشمیرحل نہ ہوتو چوتھی عالمگیراور ایٹمی جنگ ہوگی جس میں کرڑوں انسان لقمہ اجل بن جائیں گے اس جنگ میں پوری دینا متاثر ہوگی عالمی برادری کو اس سنگینی کا احساس کرنا ہوگا،اقوام متحدہ بروقت کشمیریوں کو حق دلاتی تو پانچ لاکھ کشمیریوں جانوں سے نہ جاتے ان کشمیریوں کا خون جہاں بھارت کے سر ہے وہاں اقوام متحدہ بھی برابر کی مجرم ہے،ان خیالات کا اظہارانھوں نے جماعت اسلامی ضلع باغ کے زیر اہتمام قاضی حسین احمد کی یاد میں تعزیتی ریفرنس سے خطاب کرتے ہوئے کیا،ریفرنس سے مسلم لیگ ن کے مرکزی رہنما راجہ شفاعت خان ،نثار شائق،حاجی افراہیم،عثمان انور،مولانا مقصد توحیدی سمیت دیگر قائدین نے خطاب کیا،عبدالرشید ترابی نے کہاکہ پاکستان کی قومی قیادت قاضی حسین احمد کے نقش قدم پر چلتے ہوئے کشمیریوں کی پشتیبانی کرے،بھارت کے جنگی عزائم کسی سے پوشیدہ نہیں ہیں،پاکستان کی سلامتی کے درپے بھارت سے تمام طر ح کے تعلقات ختم کرکے صرف اورصرف مسئلہ کشمیر پر بات جیت کی جائے ،انھوں نے کہاکہ بھارت نے ہمیشہ مذاکرات کے نام پر کشمیریوں کو دھوکہ دیاہے عالمی دباؤ کر کم کرنے اور کشمیریوں کی آزادی کی تحریک کو ختم کرنے کے لیے بھارت نے مذاکرات کو ہتھیار کے طوراستعمال کیاہے،انھوں نے کہاکہ آزادی کشمیر کی اسمبلی بھارت کو موسٹ فیورڈ نیشن قراردینے پر قوم سے معافی مانگے اور تحریک آزادی کشمیرکی کامیابی کے لیے بیس کیمپ کے کردار کو بحال کرے،کشمیرکی آزادی اور عوامی مسائل کے حل کے لیے بیس کیمپ کے کردار کو بحال کرناہوگا،انھوں نے کہاکہ بیس کیمپ کا کردا ربحال ہوجائے تو کشمیریوں کو کسی بین الاقوامی مد د کی ضرورت نہیں پڑے گی،انھوں نے کہاکہ بیس کیمپ کے کمزور کردار کی وجہ سے مقاصد حاصل نہیں ہورہے ہیں،انھوں نے کہاکہ بھارت ظلم اور جبر کے ہتھکنڈوں سے کشمیریوں کے جذبہ آزادی کوسردنہیں کرسکتا۔

(جاری ہے)

انھوں نے کہاکہ قاضی حسین احمد کی مشن کی تکمیل کے لیے پوری قوم کو یک جان ہونا ہوگا۔باہمی اختلافات کو دور کرکے قومی یکجہتی پیدا کرنا ہوگی۔