نیلم ویلی کے حقوق پرکوئی سودے بازی نہیں کرنے دیں گے ، لاٹھی چارج ، تشدد ، گرفتاریاں ہمارے حوصلوں کوپست پشت نہیں کرسکتیں ، پیپلزپارٹی کی نیلم دشمنی عیاں ہوچکی ہے ، نیلم کے حقوق پر ڈاکہ ڈالنے والوں کا نیلم کے عوام خوداحتساب کریں گے ، تشدد اورگرفتاریاں کرکے نیلم کے غیور ، غیرت مند لوگوں بالخصوص نوجوانوں کویرغمال نہیں بنایاجاسکتا، یوتھ ونگ نیلم کے ضلعی جنرل سیکرٹری راجہ راشد بصیر ، لطف الرحمن قریشی ، صدام بخاریاور دیگر کی صحافیوں سے بات چیت

مظفرآباد ( اُردو پوائنٹ اخبار تازہ ترین۔ آئی این پی۔ 23فروری 2013ء ) یوتھ ونگ نیلم کے ضلعی جنرل سیکرٹری راجہ راشد بصیر  لطف الرحمن قریشی  صدام بخاری  اورنگزیب جنجوعہ سمیت دیگرنوجوانوں نے کہا ہے کہ نیلم ویلی کے حقوق پرکوئی سودے بازی نہیں کرنے دیں گے  لاٹھی چارج  تشدد  گرفتاریاں ہمارے حوصلوں کوپست پشت نہیں کرسکتیں  پیپلزپارٹی کی نیلم دشمنی عیاں ہوچکی ہے  نیلم کے حقوق پر ڈاکہ ڈالنے والوں کا نیلم کے عوام خوداحتساب کریں گے  تشدد اورگرفتاریاں کرکے نیلم کے غیور  غیرت مند لوگوں بالخصوص نوجوانوں کویرغمال نہیں بنایاجاسکتا۔

(جاری ہے)

گزشتہ رو زیہاں صحافیوں سے گفتگوکرتے ہوئے انہوں نے کہاکہ پرامن احتجاج بلاجواز لاٹھی چارج کروانے والے نیلم کے دشمن اورتعمیروترقی نہیں چاہتے ہیں  ایس سی او کے حوالہ سے منعقدہ احتجاج پرامن جمہوری حق تھا  جسے کسی اور کی خواہش پرپرتشدد بنایاگیا اورنوجوانوں کوتشدد کا نشانہ بناکر پابندسلاسل کرنے کی کوشش کی گئی  انہوں نے کہاکہ ہم گرفتاریوں اورتشدد سے خوفزدہ نہیں  مسلم لیگ ن یوتھ ونگ نیلم کے حقوق  انتقامی تبادلوں  ترقیاتی فنڈز اورمواصلات سمیت پولیس تشدد کے خلاف 5مارچ کوپوری نیلم ویلی کے اندر مکمل شٹرڈاؤن اورپہیہ جام ہڑتال اور جگہ جگہ مظاہرہ کریں گے حکومت کونیلم کے نوجوانوں پرتشدد مہنگاپڑے گا ۔