قصرصدارت میں بیٹھے رہبر اندرونی طورپررہزن ہیں، اتحادی پارٹیوں کے سیاسی مفادات کراچی میں قیام امن کی راہ میں رکاوٹ ہیں،اتحادی حکومت نے بار بارمیاں نوازشریف کی مثبت تجاویزکامذاق اڑایا ،اتحادی پارٹیوں کے سیاسی مفادات کراچی میں قیام امن کی راہ میں رکاوٹ ہیں،انہیں سیلاب سمیت آفات یانقاب پوش قاتلوں کے ہاتھوں بے موت مارے جانیوالوں سے کوئی ہمدردی نہیں۔سانحہ عباس ٹاؤن سے سانحہ ہزارہ کے زخم تازہ ہوگئے اورپوراملک میں سوگ میں ڈوب گیا،مسلم لیگ (ن) اوورسیز کے مرکزی سیکرٹری جنرل شیخ قیصرمحمود کا بیان

لاہور (اُردو پوائنٹ اخبار تازہ ترین۔آئی این پی۔4مارچ۔2013ء) مسلم لیگ (ن) اوورسیز کے مرکزی سیکرٹری جنرل شیخ قیصرمحمود نے کہا ہے کہ قصرصدارت میں بیٹھے رہبراندرونی طورپررہزن ہیں، اقتداراوروسائل کیلئے ملکی سا لمیت کوداؤپرلگادیا گیا۔مفادپرست اوراقتدارپرست حکمران عوام کی محرومیوں پر بھی سیاست کررہے ہیں جوانتہائی افسوسناک اورشرمناک ہے۔

اتحادی پارٹیوں کے سیاسی مفادات کراچی میں قیام امن کی راہ میں رکاوٹ ہیں،انہیں سیلاب سمیت آفات یانقاب پوش قاتلوں کے ہاتھوں بے موت مارے جانیوالوں سے کوئی ہمدردی نہیں۔سانحہ عباس ٹاؤن سے سانحہ ہزارہ کے زخم تازہ ہوگئے اورپوراملک میں سوگ میں ڈوب گیا جبکہ حکمران اپنی ساتھی شرمیلافاروقی کی منگنی میں مستیاں کرتے رہے ۔پیپلزپارٹی والے اپنے اتحادیوں کے دباؤمیں ہیں ،وہ کراچی میں امن کی بحالی کیلئے سنجیدہ اورمخلص نہیں ہوسکتے۔

(جاری ہے)

سوموار کو اپنے ایک بیان میں شیخ قیصر محمود نے مزیدکہاکہ مسلم لیگ(ن) کی قیادت کراچی سے کوئٹہ تک پھیلی بدامنی کی آگ بجھانے جبکہ بدعنوان حکمران اس آگ کومزید بھڑکانے کیلئے کوشاں ہیں۔اتحادی حکومت نے بار بارمیاں نوازشریف کی مثبت تجاویزکامذاق اڑایا۔انہوں نے کہا کہ بیرونی دباؤاوردھونس کامقابلہ کرنے کیلئے سخت اوردوررس فیصلے کرناہوں گے۔

اگر کسی اتحادی کوناراض کرکے قائد کاپاکستان بچالیا جا ئے تویہ منفعت بخش سودا ہوگا ۔انہوں نے کہا کہ پیپلزپارٹی والے یاد رکھیں منت سماجت سے انہیں دوبارہ اقتدار نہیں ملے گا۔انہیں اپنے اتحادیوں اوراہلیان وطن میں سے کسی ایک کاانتخاب کرناہوگا۔حکمرانوں کی مصنوعی کوششوں سے کراچی میں پرتشدد واقعات میں کوئی کمی نہیں آئے گی ۔ انہوں نے کہا کہ کراچی سمیت کوئٹہ میں ٹارگٹ کلنگ ،خود کش اور ڈرون حملوں سے مارے جانیوالے کوئی غیرنہیں ہمارے اپنے بھائی ہیں۔انہوں نے کہا کہ حکمرانوں کاخون سفید ہوگیا ہے ،انہیں مرنیوالوں اوران کے پسماندگان سے کوئی ہمدردی نہیں۔ملک وقوم کے ساتھ محبت کاتقاضا ہے کہ لوگ تبدیلی کیلئے اپنے اپنے ووٹ کی پرچی سے غاصب حکمران ٹولے کے پرخچے اڑادیں۔