اسلام ایک عالمگیر مذہب ہے ،اس نے خواتین سمیت معاشرے کے ہر طبقے کے حقوق کا برابر خیال رکھا ہے، اسلام خواتین کے حقوق میں رکاوٹ نہیں ہے ، مخصوص سوچ کے لوگ اپنے مفادات کیلئے مذہب کا نام استعمال کرکے ایسا تاثر دے رہے ہیں ،خیبر پختونخوا کے وزیر اطلاعات و تعلقات عامہ اور عوامی نیشنل پارٹی کے پارلیمانی لیڈر میاں افتخار حسین کاعالمی یوم خواتین کے سلسلے میں منعقدہ تقریب سے خطاب
جمعہ 8 مارچ 2013 22:21
(جاری ہے)
میاں افتخار حسین نے کہا کہ ہم صنفی امتیاز سے بالا تر ہو کر تمام انسانوں کے حقوق کی بات کرتے ہیں کیونکہ بحیثیت انسان سب برابر ہیں۔
انہوں نے کہا کہ حقوق کے لحاظ سے مرد و خواتین میں کوئی فرق نہیں اور معاشرے میں ان میں پائی جانے والی تفاوت معاشرے کی پیدا کردہ ہے اور ا س میں مرد و خواتین دونوں برابر کے ذمہ دار ہیں۔انہوں نے کہا کہ اس کیلئے ہم سب کو اپنے رویوں پر نظر ثانی کرنی ہوں گی اور پچپن ہی سے بیٹے اور بیٹی کا فرق کو ختم کرنا ہوگا۔انہوں نے کہا کہ مرد و خواتین میں تفاوت مخصوص سوچ کی پیدا وار ہے اور ضیاء دور میں یہ تفاوت اپنی انتہا کو پہنچ گئی۔معاشرے میں صنفی امتیاز اس لئے پیدا کیا گیا تاکہ ہم ترقی کی دوڑ میں پیچھے ہیں۔انہوں نے کہا کہ ہمارے دین اورمعاشرے میں ماں، بیٹی اور بہن کی حیثیت سے خواتین کوعزت کا جو اعلیٰ مقام حاصل ہے دوسرے مذاہب اورمعاشروں میں اس کا تصور بھی نہیں کیا جا سکتا۔ماں ،بیٹی اور بہن ایسے عظیم رشتے ہیں جن کے سامنے ہر کوئی سر خم ہے۔وزیر اطلاعات نے کہا کہ ہم صنفی امتیاز پر یقین نہیں رکھتے اور خواتین سمیت ہر کسی پر تشدد کے خلاف ہیں۔انہوں نے کہا کہ جب تک ہم اپنی خواتین کو قومی دھارے میں نہیں لائیں گے اس وقت تک ترقی و خوشحالی کا تصور بھی نہیں کیا جا سکتا۔خواتین کی کم عمری کی شادی کا ذکر کرتے ہوئے صوبائی وزیر نے کہا کہ ہم بذات خود اس کے خلاف ہیں تاہم انہوں نے کہا کہ اس کی حوصلہ شکنی کیلئے صرف قانون سازی ہی کافی نہیں بلکہ اس کے لئے ہمیں عوامی سطح پر بھر پور شعورپیدا کرنے کیلئے آگہی مہم چلانا ہوگی اور لوگوں کو یہ بتانا ہوگا کہ کم عمری کے شادی کے فائدے تو نہیں لیکن اس کے نقصانات زیادہ ہیں۔انہوں نے کہا کہ ہم نے حکومت کی سطح پر بچے کی عمر 18 سال کر دی ہے اور اس مقصد کیلئے باقاعدہ قانون سازی بھی کر لی ہے۔ انہوں نے کہا کہ اس اقدام سے کم عمری کی شادی پر کافی حد تک قابو پایا جا سکتا ہے۔أمتعلقہ عنوان :
مزید قومی خبریں
-
وفاقی وزیر برائے وفاقی تعلیم اور پیشہ ورانہ تربیت سے برطانوی ہائی کمشنر کی ملاقات، تعلیمی شعبہ کی صوبوں کو منتقلی سے درپیش چیلنجز اور مواقع پر بھی تبادلہ خیال
-
چیچہ وطنی بوریوالہ روڈ پر منی ٹرک کی ٹکر سے موٹر سائیکل پر سوار دو افراد جاں بحق
-
چیئرمین سینیٹ سے مرکزی رہنما پاکستان پیپلز پارٹی و سابق اپوزیشن لیڈر سید خورشید احمد شاہ کی ملاقات
-
پیٹرول ڈلوا کرفرارہونے والی گاڑی پرگارڈ کی فائرنگ سے دوراہگیرخواتین زخمی
-
الیکشن کمیشن نے ضابطہ اخلاق کی خلاف ورزی پر محکمہ زراعت کے ملازم کو نوٹس جاری کر دیا
-
پتوکی، تین کس ملزمان 16سالہ لڑکی اغوا کرکے فرارپولیس نے مقدمہ درج کرلیا
-
لاہور، مال روڈ کو بغیر ہیلمٹ موٹرسائیکل سواروں کے لئے نوگو ایریا قرار دے دیا گیا
-
اے این ایف کی انسداد منشیات کارروائیاں ، 60 کلوگرام منشیات برآمد، 5 ملزمان گرفتار
-
دریائوں اور آبی ذخیروں میں پانی کی صورتحال
-
فیض آباد دھرنا لاہور سے شروع ہوا ،تمام ایجنسیوں کی متفقہ رائے تھی لاہور میں روکا تو ہلاکتیں ہونگی‘ رانا ثنا اللہ
-
فیصل آباد، تا جر کو اغوا کے بعد تشدد کر کے قتل کر د یا گیا، پولیس نے نعش قبضے میں لے کر ملزما ن کی تلا ش شروع کر دی
-
پاکستان کے تیسرے بڑے صنعتی شہر فیصل آباد میں امن وامان کی صورتحال خراب ہو گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.