خواہش ہے کہ فاٹا میں تعلیم وصحت کے تمام ادارے فعال انداز سے خدمات سرانجام دیں، تمام کمزوریوں کا بروقت تدارک کیاجائے ،مستقبل کی ضروریات ترجیحی بنیادوں پر پوری کی جائیں،خیبرپختونخوا کے گورنر انجینئر شوکت اللہ کا لنڈی کوتل کے دور ہ کے موقع پر بریفنگ سے خطاب
جمعرات 4 اپریل 2013 23:22
(جاری ہے)
ہم اس ضمن میں کسی ایک ادارے کی کوتاہی کے بھی متحمل نہیں ہوسکتے۔
لہذا ضرورت اس امر کی ہے کہ عملے کی کمی دورکرنے اور اداروں کی مرمت وتزئین وآرائش یقینی بنانے کیلئے بروقت اقدامات اٹھائے جائیں۔ اس موقع پر متعلقہ حکام نے گورنرکومعروضی صورتحال کی تفصیلات سے آگاہ کرتے ہوئے بتایاکہ ایجنسی کیلئے رواں مالی سال کے ترقیاتی پروگرام کے تحت کل مختص شدہ ایک ارب 54 کروڑ اور 70 لاکھ روپے میں سے کم وبیش 70 فیصد وسائل بروئے کار لائے جاچکے ہیں جس میں تعلیم، صحت اور دیگرشعبوں کے ساتھ ساتھ جنگلات ، پبلک ہیلتھ انجینئرنگ اور مواصلات کے شعبے بھی شامل ہیں۔ ایڈیشنل چیف سیکرٹری فاٹا ڈاکٹرتاشفین خان اور پرنسپل سیکرٹری برائے گورنر جناب محمدعابد مجید بھی گورنر کے ہمراہ تھے جبکہ خیبرایجنسی کے پولیٹیکل ایجنٹ جناب مطہرزیب اوردیگر متعلقہ حکام نے گورنر کو اپنے متعلقہ شعبوں کی کارکردگی سے آگاہ کیا۔ ایک نکتے کے حوالے سے گورنرنے یہ امربھی واضح کیا کہ انہیں حال ہی میں خیبر ایجنسی کے میرٹ کے بنیاد پر نمایاں کارکردگی کے حامل دو طلباء کے ساتھ ملاقات کرکے بہت خوشی ہوئی جنہیں انہوں نے ایک ایک لیپ ٹاپ کمپیوٹر بھی انعام کے طور پر دیا اور ان کی یہ دلی تمنا ہے کہ ایجنسی میں قائم چار ڈگری کالجز، چارہائرسیکنڈری اور 49 ہائی اور 53 مڈل سکولوں اور چھ انڈسٹریل ہومز سمیت تمام کے تمام 737 تعلیمی اداروں میں سے بھی اسی معیار کے طلباء وطالبات فارغ التحصیل ہوں۔ گورنر نے جمرود تا طورخم شاہراہ کی تعمیرنو وتوسیع کے منصوبے پر عملدرآمد کی صورتحال میں بھی گہری دلچسپی ظاہرکی اور یہ بات نوٹ کی کہ بحیثیت مجموعی دس فیصد ٹارگٹ پہلے ہی حاصل کرلئے گئے ہیں۔ دریں اثناء گورنرنے لنڈی کوتل میں تحصیل ہیڈکوارٹر ہسپتال کابھی دورہ کیا اوریہ خواہش ظاہر کی کہ اس ادارے کی نہ صرف فعال کارکردگی یقینی بنانے بلکہ مزید بہتری کیلئے بھی خصوصی اقدامات اٹھائے جانے کی ضرورت ہے۔متعلقہ عنوان :
مزید قومی خبریں
-
صوبائی وزیرصحت خواجہ سلمان رفیق کا نئے لیڈی ولنگٹن ہسپتال کی سائٹ کا دورہ
-
سنگین مقدمات میں ملوث ملزم کا دشمنی کی بنا پرقتل
-
وزیراعلیٰ پنجاب کی ہدایت پر لاہورپولیس کا پتنگ بازی کے خلاف کریک ڈاؤن جاری
-
وزیراعلیٰ کی ہدایت پرسی سی پی او لاہور کی زیرنگرانی موٹرسائیکل سواروں میں خونی ڈورسے بچاؤ کیلئے سیفٹی وائرزکی مفت تقسیم
-
لاہور اور اوکاڑہ پولیس کو مطلوب خطرناک مجرم اشتہاری گرفتار
-
گندم کی پیداوار کا تقریباً 10 فیصد حصہ مختلف وجوہات کی بناء پر ضائع ہو جاتا ہے،رپورٹ
-
واپڈانے مختلف دریاؤں اور آبی ذخائر میں پانی کی آمد واخراج کے اعدادوشمار جاری کر دیئے
-
پائیدار ترقی اور خوشحالی کے لیے وفاقی اور صوبائی حکام کے درمیان تعاون نہایت اہمیت کا حامل ہے،جام کمال خان
-
این اے 148 میں دوبارہ ووٹوں کی گنتی کی درخواست خارج کردی گئی
-
وزیراعلی پنجاب نے ٹیکس کنسلٹنسی یونٹ قائم کرنے کی منظوری دیدی
-
سمندر پار پاکستانی عازمین حج کو پاسپورٹ کے اجرا کیلئے نئی پالیسی مرتب
-
گلی محلوں میں ہوائی فائرنگ کرنے والے تین دوست دھر لئے گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.