مسلم لیگ(ن) نے ٹکٹ دینے کیلئے میرٹ کی پالیسی اپنائی، سہرا نوازشریف کے سرجاتاہے، (ن)لیگ کے حتمی امیدواروں کے اعلان سے مخالفین کی نیندیں حرام ہوجائیں گی ، مسلم لیگ(ن) کی رہنماء فرحانہ قمر کی وفدسے گفتگو

اسلام آباد(اُردو پوائنٹ اخبار تازہ ترین۔آئی این پی۔14اپریل۔ 2013ء) مسلم لیگ(ن) کی رہنماء فرحانہ قمرنے کہاہے کہ پاکستان مسلم لیگ(ن)ملک کی واحدجماعت ہے جس نے پارٹی ٹکٹ دینے کیلئے بھی میرٹ کی پالیسی اپنائی جس کاسہراپاکستان مسلم لیگ(ن) کے قائد اورصدرمیاں محمدنوازشریف کے سرجاتاہے ۔انہوں نے کہاکہ پاکستان مسلم لیگ(ن) اپنے میرٹ کی پالیسی کی وجہ سے عوام میں مقبول ترین جماعت ہے ۔

فرحانہ قمرنے کہاکہ عام انتخابات کے لئے پارٹی ٹکٹ دیتے ہوئے کارکنوں سے بھی مشاورت کی گئی جس سے ثابت ہوگیاکہ پاکستان مسلم لیگ(ن) ہی واحدجماعت ہے جس کے اندربھی جمہوریت ہے جبکہ دوسری جماعتوں میں پارٹی کے سربراہ اپنے فیصلے کوحتمی سمجھتے ہیں اورکارکنوں کوتواجلاس میں ہی شریک نہیں ہونے دیاجاتااورصرف فیصلہ کارکنوں کوسنایاجاتاہے ۔

(جاری ہے)

وہ اتوارکو مسلم لیگ(ن) کی کارکن خواتین کے ایک وفدسے گفتگوکررہی تھیں۔

فرحانہ قمرنے کہاکہ مسلم لیگ(ن) کے قائداورصدرمیاں محمدنوازشریف ہی ملک کے واحدپارٹی سربراہ ہیں جواپنے کارکنوں کوعزت دیتے ہیں اورہرمشورے میں شامل کرتے ہیں بلکہ کارکنوں کے مشورے کواولین ترجیح دیتے ہیں ۔انہوں نے کہاکہ مسلم لیگ(ن) جب اپنے امیدواروں کاحتمی اعلان کرے گی تومخالفین کی نیندیں حرام ہوجائیں گی اورعوام کوسرپرائزملے گاکہ ان کوانتخاب کیلئے ایمانداراورقابل امیدوارسامنے لائے گئے ہیں اورپاکستان مسلم لیگ(ن) چارو ں صوبوں سے ایسے امیدوارسامنے لارہی ہے جووفاق اورصوبوں میں اپنی ایمانداری اورقابلیت میں اپنی مثا ل آپ ہیں اورعوام بھی اپناووٹ دیکرمطمئن ہونگے کہ انہوں نے اپنے ووٹ کاصیح استعمال کیاہے او مسلم لیگ(ن) کے امیدوارجب انتخابات میں کامیاب ہوکرعوام کے نمائندے بن جائیں گے تووہ میاں محمدنوازشریف کی رہنمائی اوراقتصادی ویژن کی روشنی میں ملک کوترقی کی راہ پرگامزن کریں گے اورعوام کوان تمام مسائل سے چھٹکاراملے گاجومشرف دورشروع ہوئے اورپیپلزپارٹی کی کرپشن کی وجہ سے ان مسائل میں مزیداضافہ ہوااوران مسائل کاعذاب اب بھی عوام برداشت کررہے ہیں ۔