جھوٹے اور من گھڑت پراپیگنڈا کرنے والوں کو منہ کی کھانی پڑی ،ملک شاہان حاکمین کو 5کروڑ روپے ہرجانے کا نوٹس بھیج دیا ہے ، اپنے خلاف جعلی ڈگری کا دعویٰ کرنے والوں کو انصاف کے کٹہرے میں لائیں گے ،پاکستان تحریک انصاف کے ا میدوار برائے پی پی15 سید اعجاز حسین بخاری کی پریس کانفرنس

جمعرات 18 اپریل 2013 00:02

اٹک(اُردو پوائنٹ اخبار تازہ ترین۔آئی این پی۔18اپریل۔ 2013ء) پاکستان تحریک انصاف کے ا میدوار برائے پی پی15 سید اعجاز حسین بخاری نے کہاہے کہ ہمارے خلاف جھوٹے اور من گھڑت پراپگینڈا کرنے والوں کو آ خر کار منہ کی کھانی پڑی ، مخالف امیدوار ملک شاہان حاکمین کو پانچ کروڑ روپے ہرجانے کا نوٹس بھیج دیا ہے ، ہمارے خلاف جعلی ڈگری کا دعویٰ کرنے والوں کو کورٹ کے کٹہرے میں لائیں گے ایسی جعلی شہرت سے کچھ نہیں بنتا ، جن لوگوں نے ہمارے خلاف جھوٹا دعویٰ کیا ہے ان کا کردار اٹک کی عوام کے سامنے ہے۔

وہ جمعرات کو اپنی رہائش گاہ پر پر ہجوم پریس کانفرنس سے خطاب کر رہے تھے ۔

(جاری ہے)

ان کے ہمراہ ضلعی صدر پی ٹی آئی وحید مراد ، سید یاور حسین بخاری ،ملک جاوید شکردرہ ، عابد حنیف، شاداب بٹ ، خان محمد ،مظہر بخاری موجود تھے انہوں نے کہا کہ موجودہ امیدوار پی پی 15ملک شاہان حاکمین خان نے ہمارے خلاف عدالت میں جھوٹی درخواستیں دی کہ میری ایل ایل بی کی ڈگری جعلی ہے جو کہ وہ کورٹ میں ثابت نہ کر سکا، ہم اس کے خلاف عدالت میں جائیں گے اور اس کے خلاف استغاثہ بھی کریں گے ہم نے ملک شاہان حاکمین خان کو پانچ کروڑ روپے ہرجانے کا نوٹس بھیج دیا ہے ہمارا مفاد صرف اور صرف عوام کی خدمت کرنا ہے ہمارے لیڈر کے خلاف یہ پراپگینڈا کے ہمارا لیڈر یہودیوں کا ایجنٹ ہے جو کہ بالکل غلط ہے ہمیں آ ج تک اس میں کوئی ایسی بات نظر نہیں آئی یہ صرف اور صرف ہمارے لیڈر کو بدنام کرنے کے لیے منفی سازشیں کی جا رہی ہیں عوام ان پراپگینڈوں میں نہ آئے اور ہمارے قائد عمران خان کی قیادت میں پاکستان تحریک انصاف کو بھر پور طریقہ سے کامیاب کرائیں ۔

پاکستان تحریک انصاف سے متعلق تازہ ترین معلومات

Facebook Twitter Google + Share on Whatsapp

متعلقہ عنوان :

مزید قومی خبریں