11 مئی کا سورج تحریک انصاف کی فتح کی نوید لے کر طلوع ہوگا،ملک کو لوٹنے والوں کے تابوت میں آخری کیل ثابت ہوگا‘ عمران خان کے جلسے میں لاکھوں افراد کو دیکھ کر استحصالی ٹولے کی نیندیں حرام ہوچکی ہیں، تحریک انصاف کے پی ایس 64 سے نامزد امیدوار عرفان محبوب جیلانی کاکارنر میٹنک سے خطاب

ہفتہ 27 اپریل 2013 23:00

میرپور خاص(اُردو پوائنٹ اخبار تازہ ترین۔آئی این پی۔27اپریل۔ 2013ء) پاکستان تحریک انصاف کے پی ایس 64 سے نامزد امیدوار عرفان محبوب جیلانی نے کہا ہے کہ 11 مئی کا سورج پاکستان تحریک انصاف کی فتح کی نوید لے کر طلوع ہوگا اور ملک کو لوٹنے والوں کے تابوت میں آخری کیل ثابت ہوگا‘ عمران خان کے جلسے میں لاکھوں افراد کو دیکھ کر استحصالی ٹولے کی نیندیں حرام ہوچکی ہیں۔

وہ ہفتہ کو حمید پورہ کالونی میں ایک کارنر میٹنگ سے خطاب کررہے تھے۔ انہوں نے مزید کہا کہ باریاں لینے کا وقت گزر چکا ہے۔ عمران خان نے ملک کے عوام کا شعور بیدار کردیا ہے۔ اب عوام روایتی اور جھوٹے بلند و بانگ دعوے اور وعدے کرنے والے سیاستدانوں کو بری طرح مسترد کردیں گی اور 11 مئی کو عوام ملک بھر سے پاکستان تحریک انصاف کے امیدواروں کو بھاری اکثریت سے کامیاب کرائیں گے۔

(جاری ہے)

انہوں نے کہا کہ عمران خان نے 35 فیصد نوجوانوں کو پارٹی ٹکٹ دے کر ثابت کردیا ہے کہ وہ جو کہتے ہیں اس پر عمل بھی کرتے ہیں۔ انہوں نے کہا کہ تحریک انصاف موروثی سیاسی جماعت نہیں ہے۔ عام کارکن بھی مستقبل میں پارٹی قیادت کرسکتا ہے۔ انہوں نے کہا کہ 11 مئی کو عوام بلے پر ٹھپہ لگاکر ملک میں تبدیلی لائیں گے اور ملک کو بحرانوں‘ دہشت گردی‘ بدامنی‘ مہنگائی اور بیروزگاری جیسے مسائل سے چھٹکارا دلانے کیلئے عمران خان کا ساتھ دیں اور ان کے بازو بنیں۔

عمران خان سے متعلق تازہ ترین معلومات

Facebook Twitter Google + Share on Whatsapp

متعلقہ عنوان :

مزید مقامی خبریں