پاکستانی ہائی کمیشن حکام کی ثنااللہ کی چندی گڑھ ہسپتال میں عیادت ،ڈاکٹر سے ملاقات، پاکستانی حکام نے چندی گڑھ ہسپتال میں زیر علاج پاکستانی قیدی کی عیادت کی،ڈاکٹروں سے اس کی صحت کے حوالے سے بات چیت کی ،بھارتی وزارت خارجہ ، نگران وزیراعظم کا بھارتی ہم منصب سے رابطہ ، ثناء اللہ پر تشدد کے واقعہ کی تحقیقات کا مطالبہ، تحفظات کا اظہار ، بھارت کی جیلوں میں قید دیگر پاکستانی قیدیوں کی حفاظت یقینی بنائی جائے،میرہزار خان کھوسو
ہفتہ 4 مئی 2013 13:58
(جاری ہے)
بھارتی قیدیوں کی جانب سے تشدد کا نشانہ بننے والے پاکستانی قیدی ثناء اللہ کی حالت انتہائی تشویشناک بتائی جا رہی ہے۔
بھارتی وزارت خارجہ کے ترجمان سید اکبر الدین کی جانب سے جاری ہونے والے بیان میں کہا گیا ہے کہ پاکستانی حکام نے چندی گڑھ ہسپتال میں زیر علاج پاکستانی قیدی ثناء اللہ کی عیادت کی اور ڈاکٹروں سے اس کی صحت کے حوالے سے بات چیت کی۔ بھارتی حکومت کی جانب سے گزشتہ روز پاکستانی حکام کو ثناء اللہ سے ملنے کی اجازت دی گئی تھی۔ واضع رہے کہ گزشتہ روز بھارت کے شہر جموں کی بھلوال جیل میں قید پاکستانی شہری ثناء اللہ کو سر بجیت سنگھ کے واقعہ کے بعد انتہائی بے دردی سے تشدد کا نشانہ بنایا گیا تھا جس کے بعد اسے چندی گڑھ کے پوسٹ گریجویٹ انسٹی ٹیوٹ آف میڈیکل ایجوکیشن اینڈ ریسرچ میں علاج کے لئے بھیج دیا گیا تھا جہاں اس کی حالت شدید خطرے میں ہے۔ دوسری جانب پاکستان کے نگران وزیراعظم میر ہزار خان کھوسو نے اپنے بھارتی ہم منصب منموہن سنگھ سے رابطہ کرکے ان سے قیدی ثناء اللہ پر تشدد کے واقعہ کی تحقیقات کا مطالبہ کیا اور اپنے تحفظات کا اظہار کرتے ہوئے کہا کہ بھارت کی جیلوں میں قید دیگر پاکستانی قیدیوں کی حفاظت بھی یقینی بنائی جائے۔ واضع رہے کہ سربجیت سنگھ کے واقعہ کے بعد بھارت کے علاقے جموں کی کوٹ بھلوال جیل میں قید پاکستانی قیدی ثناء اللہ کو ساتھی قیدیوں نے بہیمانہ تشدد کا نشانہ بنایا تھا جس سے اس کے سر میں شدید چوٹیں آئیں۔ پاکستانی قیدی کو شدید زخمی حالت میں گورنمنٹ میڈیکل کالج ہسپتال جموں میں داخل کرایا گیا بعد ازاں اسے چندی گڑھ منتقل کر دیا گیا۔ پاکستانی دفتر خارجہ نے جموں جیل میں قیدی ثنا اللہ پر تشدد کی تحقیقات کا مطالبہ کرتے ہوئے کہا تھا کہ بھارتی حکومت جیلوں میں قید پاکستانیوں کی حفاظت اور سلامتی کی ذمہ دار ہے ۔ سربجیت کے معاملے پر پاکستان نے اعلیٰ روایات کا مظاہرہ کیا۔ اس کو بہترین طبی سہولیات فراہم کیں۔ سربجیت کی موت کے بعد ایسا ردعمل قابل مذمت ہے۔ ترجمان دفتر خارجہ نے مطالبہ کیا کہ معاملے کی تحقیقات کرکے ذمہ داروں کو سزا دی جائے۔ جبکہ پاکستانی ہائی کمیشن کے حکام نے بھارتی حکومت سے ثناا للہ کی فوری رہائی کا مطالبہ بھی کیا ہے۔مزید قومی خبریں
-
ہفتہ وار مہنگائی میں معمولی کمی، 4 اشیائے ضروریہ مہنگی، 18 سستی ہوئیں
-
لاہورہائیکورٹ،عون چودھری کی این اے 128 سے کامیابی کیخلاف درخواست سماعت کیلئے مقرر کرنے کا حکم
-
خواجہ سلمان رفیق کا گنگارام ہسپتال کا دورہ، مدر اینڈ چائلڈ بلاک میں جاری ری ویمپنگ منصوبے کا جائزہ لیا
-
پتنگ بازی کی روک تھام کے لئے ڈرون کیمروں کی مدد سے مانیٹرنگ شروع
-
لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
-
پنجاب میں پاکستان کی تاریخ کا سب سے بڑا’’محمد نواز شریف کسان کارڈ‘‘ ،وزیراعلیٰ مریم نوازشریف نے منظوری دیدی
-
پی آئی اے کی فضائی میزبان ٹورنٹو ائیرپورٹ پرزیرحراست
-
ریاست کی رٹ چیلنج کرنے والے سے آہنی ہاتھوں سے نمٹیں گے، وزیراعلیٰ بلوچستان
-
صنم جاوید اور عالیہ حمزہ ایک اور مقدمے میں گرفتار
-
سینیٹ انتخابات میں زلفی بخاری کے کاغذات مسترد کرنے کے خلاف اپیل پر فریقین سے جواب طلب
-
بلاول بھٹو زرداری کا بہاولپور کے پارٹی رہنما ارشاد احمد سرویا کے انتقال پراظہار تعزیت
-
ہر ترقیاتی منصوبے میں شفافیت کو سو فیصد یقینی بنایا جائے‘خواجہ سلمان رفیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.