گوادر کے عوام کو جماعت اسلامی مسائل ومشکلات سے نجات دلائیگی ،گوادر تربت کے عوام کو صحت تعلیم اور دیگر ضروریات فراہم کرکے نفرتوں سازشوں اور زیادتیوں کا خاتمہ کر دینگے،جماعت اسلامی کے امیدوار این اے 272،پی بی51مولانا ہدایت الرحمان بلوچ کاانتخابی تقریب سے خطاب

کوئٹہ (اُردو پوائنٹ اخبار تازہ ترین۔آئی این پی۔7مئی۔ 2013ء) جماعت اسلامی کے امیدوار این اے 272،پی بی51مولانا ہدایت الرحمان بلوچ نے کہا کہ گوادر کے عوام کو جماعت اسلامی مسائل ومشکلات سے نجات دلائیگی گوادر تربت کے عوام کو صحت تعلیم اور دیگر ضروریات فراہم کرکے نفرتوں سازشوں اور زیادتیوں کا خاتمہ کر دیں گے ۔ وہ گوادرمیں انتخابی تقریب سے خطاب کر رہے تھے ،انہوں نے کہا کہ ترازو کا نشان امن انصاف اور عدل کانشان ہے جماعت اسلامی کی کامیابی غریب عوام عوام کی کامیابی ہے ۔

(جاری ہے)

کوئٹہ میں مختلف انتخابی تقریب سے خطاب کرتے ہوئے جماعت اسلامی کے امیدوارپی بی ون کوئٹہ کے امیدوار ڈاکٹر محمد ابراہیم ، پی بی 2 کوئٹہ 2 حاجی عبدالقیوم کاکڑ ،پی بی3 کوئٹہ 3 سید عبدالمجید آغا ، پی بی5 کوئٹہ محمدفاروق اور پی بی 6کے امیدوار فضل محمد نورزئی نے جماعت اسلامی ترازو کے نشان پر الیکشن جیت کر قوم کو اصولی سیاست خدمت اور دیانت کے ذریعے متحد کریں گے گیارہ مئی لٹیروں قوم دشمنوں کی تباہی اور اصولی سیاست وخدمت کرنے والوں کی کامیابی کادن ثابت ہوگاجماعت اسلامی کسی صورت انتخابی مہم سے دستبردارنہیں ہوگی جماعت اسلامی کی سیاست نظام عدل کاقیام اور لوگوں کے مسائل حل کرنے کیلئے ہے ہم نے کبھی بھی ذاتی مفادات کرپشن اورکمیشن کیلئے کام نہیں کیا عوام گیارہ مئی کو ترازو پر مہر لگا کر اسلام وملت دشمنوں کوناکام بنائیں ۔