سنٹرل پریس کلب کے صدر واحد اقبال بٹ سمیت آزادکشمیر بھر سے سیاسی وسماجی شخصیات کا ہمایوں زمان مرزا سے رابطہ ، اُن کی والدہ محترمہ کی خیریت معلوم کی ،جلد صحت یابی کیلئے نیک خواہشات کا اظہار

بدھ 12 جون 2013 14:59

میرپور (اُردو پوائنٹ تازہ ترین اخبار۔آئی این پی۔ 12جون 2013ء) سنٹرل پریس کلب کے صدر واحد اقبال بٹ سمیت آزادکشمیر بھر سے سیاسی وسماجی شخصیات کا ہمایوں زمان مرزا سے رابطہ ،اُن کی والدہ محترمہ کی خریت معلوم کی ،جلد صحت یابی کیلئے نیک خواہشات کا اظہار ،تفصیلات کے مطابق جموں کشمیر ہیومن رائٹس کمیشن کے چیئرمین ہمایوں زمان کی والدہ محترمہ کی صحت یابی کیلئے ریاست بھر میں دعائیہ تقریبات کاانعقاد کیاگیا ۔

گزشتہ روز بھی ریاست بھرسے صحافیوں ،وکلاء ،دانشور ،اور مختلف سماجی شخصیات نے ہمایوں زمان مرزا کو فون کرکے ان کی والدہ محترمہ کی خریت دریافت کی اوردعا کی کہ اللہ تعالیٰ انہیں جلد صحت یاب کرے اور لمبی عمر عطاکرے ۔انہوں نے کہاکہ ماں اس دنیا کا عظیم تحفہ ہے جس نے ماں کی خدمت کی اس نے دنیا وآخرت میں کامیابی حاصل کی ۔

(جاری ہے)

ہماری دعا ہے کہ اللہ تعالیٰ مرحوم پروفیسر خان زمان مرزا جو کہ آزادکشمیر کابہت بڑاسرمایہ تھے اور مسئلہ کشمیر پر ایک مستند اتھارٹی رکھتے تھے ان کی اہلیہ کو جلد از جلد صحت تندرستی عطا کرے اور ان کا سایہ اپنی اولاد پر قائم دائم رکھے ۔

ہمایوں زمان مرزاکو سنٹرل پریس کلب مظفرآباد کے صدر واحد اقبال بٹ ،شہزاد لولابی سینئر صحافی ،اور ریاست بھر سے سیاسی وسماجی شخصیات نے ٹیلی فون کیا اوران کی والدہ کی جلد صحت یابی کیلئے دعا کی ۔