ملتان،مضر صحت دودھ پینے سے10 افراد کی حالت خراب، نشتر ہسپتال منتقل

جمعہ 28 جون 2013 19:44

ملتان (اُردو پوائنٹ اخبار تازہ ترین۔آئی این پی۔28جون۔2013ء) ملتان میں مضر صحت دودھ پینے سے ایک ہی خاندان کے 10 افراد کی حالت خراب ہو گئی ،متاثرین کو نشتر ہسپتال منتقل کر دیا گیا ۔جمعہ کو ریسکیو ذرائع کے مطابق ملتان کے علاقہ سادات کالونی میں ایک ہی خاندان کے 10 افراد نے گزشتہ رات کو سونے سے قبل دودھ پیا اور سو گئے۔

(جاری ہے)

صبح ہوتے ہی تمام گھر والوں کو قے شروع ہو گئی اور تمام افراد بے ہوش ہو گئے جنہیں ریسکیو 1122 نے نشترہسپتال ملتان میں منتقل کر دیا ہے۔

مضر صحت دودھ سے متاثر ہونے والے افراد میں 4 مرد 70 سالہ وقار ، 16 سالہ علی مراد ، 55 سالہ عبدالغفار ، 18 سالہ اعجاز شامل ہیں جبکہ 4 خواتین جن میں 38 سالہ مسز ندیم ، 17 سالہ عابدہ امین ، 42 سالہ خاتون ممتاز امین ، 14 سالہ اقصی اور دو بچے جن میں 9 سالہ عائشہ امین اور 6 سالہ فرحان شامل ہیں۔ مضر صحت دودھ سے متاثرہ افراد میں سے 2 خواتین عابدہ اور اقصی ہوش میں آ گئی ہیں جبکہ باقی تمام افراد کو طبی امداد دی جا رہی ہے۔

Facebook Twitter Google + Share on Whatsapp

ملتان،مضر صحت دودھ پینے سے10 افراد کی حالت خراب، نشتر ہسپتال منتقل

متعلقہ عنوان :

مزید قومی خبریں