جموں کشمیر نیشنل عوامی پارٹی کے زیر اہتمام راولاکوٹ میں صحت کی ناگفتہ بہ صورتحال کیخلاف (کل)شیخ زید النہان ہسپتال راولاکوٹ میں غیر معینہ مدت کیلئے احتجاجی دھرنا دیا جائیگا
پیر 1 جولائی 2013 15:54
(جاری ہے)
جموں کشمیر نیشنل عوامی پارٹی نے قبل ازیں قانونی ضابطے پورے کرتے ہوئے پارٹی کے ضلعی جنرل سیکرٹری کی جانب سے چیف سیکرٹری حکومت آزادکشمیر، کمانڈنگ آفیسر شیخ زید ہسپتال، ڈپٹی کمشنر پونچھ اور کمشنر پونچھ ڈویژن کو خطوط جاری کئے تھے خطوط کے اندر مندرجہ ذیل مطالبات شامل ہیں۔
(۱) ہسپتال سے اضافی فیسوں کا فی الفور خاتمہ۔ (۲) ڈاکٹروں کی کمی کو فی الفور پورا کیا جانا اور مرکزی گیٹ کا کھولا جانا، گردوں کے مریضوں کو ڈائیلاسسز کی سہولت کا شروع کرناشامل ہیں۔ پیر کے روز یہاں صدر نیشنل عوامی پارٹی سردار لیاقت حیات نے تفصیلات سے آگاہ کرتے ہوئے کہا ہے کہ ایک عرصہ سے ہم مسائل حل کرنے کے حوالہ سے حکام کو آگاہ کر رہے ہیں لیکن حکمرانوں کے کانوں پر جوں تک نہیں رینگتی، ان کا کہنا تھا کہ تین جولائی سے دیا جانیوالا احتجاجی دھرنا اس وقت تک جاری رہے گا جب تک ہمارے مطالبات منظور نہیں کئے جاتے۔ انہوں نے کہا کہ حکمرانوں کی نااہلی کی وجہ سے ہسپتال کے لئے یوای اے حکومت نے 2 ارب روپے کی رقم واپس لے لی ہے ، صدر ریاست نے ہسپتال کے افتتاح کے موقع پر اعلان کیا تھا کہ اپریل سے ہسپتال میں ڈائلاسسز سنٹر کام شروع کر دے گا لیکن یہ اعلان بھی سفید جھوٹ نکلا، انہوں نے کہا کہ پونچھ کے عوام ہسپتال کی عمارت دیکھ کر کئی سال مخصوظ ہو چکے ہیں اب قوت برداشت ختم ہو چکی ہے اتنی بڑی عمارت کو دیکھ کر مریضوں کو کوئی افاقہ نہیں ہوا مریض دگنے اخراجات کر کے اسلام آباد اور پنڈی جانے پرمجبور ہیں ، انہوں نے کہا حکمران عوام کو ریلیف دینے میں ناکام ہو چکے ہیں ، عوام کو سبز باغ دکھا کر وہ گمراہ کرنے کی پالیسوں پر گامزن ہیں اب یہ عمل زیادہ دیر نہیں چل سکے گا، انہوں نے عوام سے اپیل کی کہ وہ اپنے بنیادی حق کے لئے نیپ کے دھرنے میں شامل ہوتاکہ ان کو علاج معالجے کی سہولیات مل سکیں ،نیپ کے مرکزی صدر سردار لیاقت حیات نے کہا ہے کہ ہم یہ سمجھتے ہیں کہ صحافت ریاست کا چوتھا بڑا ستون ہے اور عوامی مسائل کو اجاگر کرنے میں اہم کردار ادا کرتا ہے۔ صحافی حضرات سے توقع رکھتے ہیں کہ وہ اس مسئلے پر اپنے پیشہ وارانہ ذمہ داریاں بطریق نبھائیں گے۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.