والد بشیر لغاری نے قاری عطا الرحمان عرف قاری نعیم بخاری کے کہنے پر حملے کا پلان تشکیل دیا ‘ چھینی ہوئی موٹر سائیکل کو مکینک کی مدد سے بارودی مواد سے بھرا‘رکشا ڈرائیور کی مدد سے موٹر سائیکل کو برنس روڈ پہنچا یا‘بائیک نارتھ کراچی کے علاقے فور کے کے بس سٹاپ سے چھینی گئی‘ساتھی کا اشارہ پاتے ہی بائیک کو ریموٹ کنٹرول سیدھماکے سے اڑایا، جسٹس مقبول باقر پر حملے میں ملوث ملزمان کو میڈیا کے سامنے پیش کردیا گیا‘ماسٹر مائنڈ بشیر لغاری کے بیٹے معاویہ لغاری اور ساتھی ابوبکر کااعتراف جرم ‘ملزمان نے شادی اور ولیمہ کی مبارکبار دے کر اپنے مشن کی کامیابی کا جشن منایا، ملزمان نے ماڑی پور روڈ پر ایڈوکیٹ کوثر ثقلین اوران کے 2سکول کے بچوں کو بھی گاڑی پر فائرنگ کرکے نشانہ بنایا تھا‘ ملزمان ایم کیو ایم کے رہنماء حیدرعباس رضوی کو نشانہ بنانے کا پلان بھی بنا رکھا ہے‘ڈی آئی جی ساؤتھ کی پریس کانفرنس
جمعہ 19 جولائی 2013 14:11
(جاری ہے)
ملزم ابوبکر کے مطابق دھماکے میں استعمال ہونے والی بائیک نارتھ کراچی کے علاقے فور کے کے بس اسٹاپ سے چھینی گئی۔ ابوبکر نے اپنے ساتھی کا اشارہ پاتے ہی بائیک کو ریموٹ کنٹرول کے ذریعے دھماکے سے اڑا دیا۔
ڈی آئی جی ساوتھ کے مطابق ملزمان کو گرفتار کر کے تفتیش کا آغاز کردیا ہے۔ ملزمان نے مزید بتا یا کہ بشیر لغاری نے جسٹس مقبول باقر پر حملہ کر نے کا پلان اپنے ہی گھر پر تیار کیا تھا اور جب جسٹس مقبول باقر کے قافلے پر حملہ ہو گیا تو بشیر لغاری نے حملہ کرنے والوں کو شادی مبارک کا پیغام بھی دیا،گرفتار ملزم ابو بکر نے بتایا کہ ریموٹ کنٹرول سے بٹن دبا کر دھماکہ اس نے خود ہی کیا تھااور اس کا نام قرعہ اندازی میں نکلنے والی پرچی میں نکلا تھا، ملزمان نے مزید انکشاف کرتے ہوئے بتا یا کہ دھماکے میں استعمال ہو نے والی موٹر سائیکل کے سلینسر، ٹنکی اور لائٹس میں بارود رکھا گیا تھا،ملزمان نے مزید اعتراف کر تے ہوئے بتایا کہ ملزمان نے ماڑی پور روڈ پر ایڈوکیٹ کوثر ثقلین اوران کے دواسکول کے بچوں کو بھی گاڑی پر فائرنگ کرکے نشانہ بنایا تھا۔ ملزمان سے مزید اہم انکشافات کئے اور دہشت گردی میں ملوث مزید افراد کی گرفتاریوں کی توقع ہے۔ ملزمان کے ساتھیوں ساجد، آصف چھوٹو، اور یاسر نامی شخص کی گرفتاری کے لیئے پولیس نے چھاپے مارنا شروع کردیئے ہیں۔ اس موقع پر ڈی آئی جی ساوٴتھ امیر شیخ نے پریس کانفرنس کرتے ہو ئے بتایا کہ بشیر لغاری ہی جسٹس مقبول باقر حملہ کیس کا ماسٹر مائینڈ تھااور پولیس ٹیم نے اپنا کام پیشہ وارانہ مہارت اور دیانت داری کے ساتھ کیا ہے۔ ان کا مزید کہنا تھا کہ ہو سکتا ہے کہ ان کے اہل خانہ کوبشیر لغاری کے کاموں کے حوالے سے معلومات نہ ہوں،انہوں نے مزید انکشاف کیا کہ ملزمان کے گروہ نے ایم کیو ایم کے رہنماء حیدرعباس رضوی کو نشانہ بنانے کا پلان بھی بنا رکھا ہے،ملزمان نے حیدر عباس رضوی کو نشانہ بنانے کے لیے پلاننگ بھی بشیر لغاری کے گھر پر کی تھی۔ سرجانی ٹاوٴن آپریشن میں پولیس اور حساس ادارے کے اہلکاروں نے مشترکہ کارروائی کی تھی۔متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.