وزیر صحت احکامات پر عمل درآمد کی معلوم کرنے کے لئے پروٹوکول کے بغیر ایوب میڈیکل کمپلیکس پہنچ گئے ایمرجنسی میں ایکسرے ٹیکشنز کو ایکسرے فیس لیتے ہوئے رنگے ہاتھوں پکڑ لیا، میڈیکل اور امراض چشم او پی ڈی میں سنئیر ڈاکٹرز غیر حاضر
پیر 5 اگست 2013 19:47
(جاری ہے)
صوبائی وزیر کی آمد کی اطلاع پا کر ہسپتال کے چیف ایگزیکٹو ، ایم ایس اور دیگر ڈاکٹر بھی پہنچ گئے ۔
تفصیلات کے مطابق وزیر صحت شوکت علی یوسفزئی پیر کے روز صبح ساڑھے گیارہ بجے تحریک انصاف کے رہنماؤں آصف زبیر شیخ اور عارف راز کے ہمراہ اچانک اے ایم سی پہنچے تو سیدھے ایمرجنسی میں گئے جہاں ایکسرے ٹیکشنز ایمرجنسی مریضوں سے ایکسرے فیس وصول کر رہے تھے جبکہ اس وصولی کی کوئی رسید بھی جاری نہیں کی گئی تھی۔وزیر صحت نے اس صورتحال پر حیرانگی اور سخت برہمی کا اظہار کرتے ہوئے ایمرجنسی انچارج سے اس کی وجہ دریافت کی جو کوئی تسلی بخش وضاحت نہیں کر سکے۔واضح رہے کہ صوبائی وزیر صحت شوکت یوسفزئی نے صوبے کے تمام ہسپتالوں میں ایمرجنسی میں آنے والے مریضوں کے لئے ادویات ،ایکسرے اور لیبارٹری ٹیسٹ وغیرہ سمیت تمام علاج مکمل طور پر مفت فراہم کرنے کے احکامات دے رکھے ہیں اور اس مقصد کے لئے بجٹ میں ایک ارب روپے کی خطیر رقم بھی مختص کی گئی ہے، وزیر صحت نے ہسپتال میں میڈیکل ،آئی ، ای این ٹی کی او پی ڈی ز اور مختلف وارڈوں کا بھی معائنہ کیا جہاں بیشتر شعبوں میں سنئیر ڈاکٹرز غائب تھے۔وزیر صحت نے اس صورتحال پر افسوس کا اظہار کرتے ہوئے کہا کہ بد قسمتی سے سابقہ حکمرانوں کی بے حسی اورکرپشن کے باعث صحت سمیت تمام خدماتی شعبوں کا نظام ہی بالکل ناکارہ ہو چکاہے ۔انہوں نے کہا کہ محکمہ صحت کو فعال بنانے اور خصوصاً دور دراز اور پسماندہ علاقوں میں ہسپتالوں کو تمام ضروری سہولیات اور عملہ فراہم کرکے بڑے ہسپتالوں پر بوجھ کم کرنے کے لئے انقلابی اقدامات کو حتمی شکل دے دی گئی ہے جن پر عمل درآمد بھی 16 اگست سے شروع ہو جائے گا۔انہوں نے ڈاکٹروں سے سوال کرتے ہوئے کہا کہ وہ حکومت سے تعاون کریں یا نہ کریں لیکن مریضوں سے ضرور تعاون کریں کیونکہ تکلیف دہ سفر کر کے دور دراز علاقوں سے آنے والے دکھی مریضوں کو ہسپتالوں میں ڈاکٹر میسر نہ ہوں تو ان کی تکلیف ،دکھ اور مایوسی کا کیا عالم ہو گا؟ انہوں نے بتایا کہ تحریک انصاف کی صوبائی حکومت ایمر جنسی کے علاوہ کینسر ،شوگر اور ہیپپا ٹاٹٹس جیسے امراض کا علاج بھی بالکل مفت کر نے کے اقدامات کر رہی ہے لیکن یہ تمام اقدامات ڈاکٹروں کے تعاون اور فرض شناسی کے جذبے کے بغیر بے سود ہو ں گے ۔ وزیر صحت نے دورے کے دوران ہسپتال کی صفائی اور نظم و ضبط کی صورتحال کو پہلے کی نسبت بہتر قرار دیتے ہوئے انتظامیہ پر زور دیا کہ وہ مریضوں کو طبی سہولیات کی فراہمی کو خصوصاً ڈاکٹروں اور عملے کی حاضری کو بھی یقینی بنا ئے ۔شوکت یوسفزئی نے اس موقع پر ہسپتال انتظامیہ کے ساتھ 16 کروڑ روپے مالیت کی ادویات و طبی آلات کی خریداری کا معاملہ بھی اٹھایا اور اس امر پر حیرانگی کا اظہا ر کیا کہ ہسپتال منیجمنٹ کونسل کی تحلیل اور خریداری روکنے کے اقدامات کے باوجود اس خریداری پر پیش رفت جاری رکھی گئی جبکہ صوبائی حکومت کو بھی بے خبر رکھا گیا ۔چنانچہ شوکت یوسفزئی نے اس معاملے پر جوڈیشل انکوائری کا حکم دیتے ہوئے انتظامیہ کو ہدایت کی کہ صوبائی حکومت کے فیصلے تک کمپنی سے کوئی سپلائی وصول نہ کی جائے ۔متعلقہ عنوان :
مزید قومی خبریں
-
بیرون ملک تعلیم کے نام پر طلبہ سے فراڈ والے گینگ کا اہم رکن گرفتار
-
خیبرپختونخوا حکومت کا گاڑیوں پر روڈ یوزر چارج بل 2024 بہت جلد منظوری کیلئے پیش کیا جائے گا، مشیر خزانہ خیبرپختونخوا مزمل اسلم
-
چئیرمین سینٹ سید یوسف رضا گیلانی سے جنوبی پنجاب سیکریٹریٹ میں سابق وزیر خارجہ جلیل عباس جیلانی اور وفود کی ملاقاتیں
-
اسلام آباد، ڈرائیونگ لائسنس کی فیس میں 25فیصد اضافہ
-
پاکستان بیورو برائے شماریات کی ہفتہ وار رپورٹ جاری ،قیمتوں میں ہفتہ وار بنیادوں پر 1.39 فیصد کی نمایاں کمی
-
ڈیرہ اسماعیل خان پولیس کی کارروائی،ڈاکو گرفتار ، چھینی گئی رقم 6 لاکھ روپے برآمد
-
کامن ویلتھ یوتھ سیکرٹریٹ پاکستان میں بننے سے نوجوانوں کو 56ممالک تک رسائی ہو گی، رانا مشہود احمد
-
عدالت کا سیل کردہ تندور ڈی سیل اور گرفتارلوگوں کو رہا کرنے کا حکم
-
سپریم کورٹ،نیب ترامیم فیصلے کیخلاف اپیلوں پر سماعت کیلیے لارجربینچ تشکیل،سماعت 14مئی کوہوگی
-
اسلام آبادجیل تعمیر کا پہلا مرحلہ ریکارڈ 6 ماہ کی مدت میں مکمل کیا جائے گا،وفاقی وزیر داخلہ
-
وزیراعلیٰ پنجاب نے طلبہ کیلئے لیپ ٹاپ سکیم کی منظوری دیدی
-
شمالی وزیرستان، لڑکیوں کے نجی اسکول کو دھماکے سے اڑا دیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.