Live Updates

وزیر اعلیٰ شہباز شریف کی برلن سے صوبے میں ڈینگی کی صورتحال اور تدارک کے اقدامات کا جائزہ لینے کے حوالے سے ویڈیو کانفرنس ،وزیر اعلی آج راولپنڈی میں انسداد ڈینگی کے حوالے سے کئے گئے اقدامات کا جائزہ لینے کے لئے اجلاس سے ویڈیو کانفرنس کے ذریعے خطاب کرینگے ،عوامی نمائندے اور حکام دفتروں میں بیٹھنے کی بجائے فیلڈ میں جائیں، گلی محلوں میں نکلیں،ڈینگی بریگیڈ کو پوری طرح استعمال میں لانے کا حکم، انسداد ڈینگی کیلئے گزشتہ برسوں کی طرح موثر حکمت عملی اپنائی جائے جس کی بناء پر ایک بھی قیمتی جان ضائع نہیں ہوئی تھی‘غفلت برداشت نہیں کی جائیگی،انسداد ڈینگی مہم کو تحریک کے طور پر چلایا جائے، منتخب نمائندے، متعلقہ محکموں کے افسران اور ماہرین قومی جذبے سے اپنی ذمہ داریاں نبھائیں،ڈینگی کے حوالے سے عوام سے حقائق پوشیدہ نہ رکھے جائیں اور اس ضمن میں روزانہ میڈیا کو آگاہ کیا جائے‘ وزیر اعلیٰ پنجاب محمد شہباز شریف

منگل 29 اکتوبر 2013 20:24

لاہور (اُردوپوائنٹ اخبارتازہ ترین۔29اکتوبر۔2013ء) وزیر اعلی محمد شہباز شریف نے کہا ہے کہ صوبے میں ڈینگی کے تدارک کے لئے گزشتہ برس کی طرح موثر حکمت عملی اپنائی جائے جس کی بناء پر ایک بھی قیمتی جان ضائع نہیں ہوئی تھی، ڈینگی کے مریضوں کو ہسپتالوں میں بہترین طبی سہولتیں فراہم کی جائیں ،انسداد ڈینگی مہم میں غفلت برتنے والوں کو کسی صورت معاف نہیں کیا جائے گا، ڈینگی کے حوالے سے ایمرجنسی اجلاس روزانہ صبح آٹھ بجے منعقد کئے جائیں اور مجھے باقاعدگی سے رپورٹ بھجوائی جائے‘ لاہور کے ساتھ ساتھ راولپنڈی میں بھی ڈینگی کے تدارک کے لئے ہنگامی بنیادوں پر اقدامات کئے جائیں اورمیں اس ضمن میں آج ( بدھ ) خود راولپنڈی میں ویڈیو کانفرنس کے ذریعے ڈینگی کی صورتحال اور تدارک کے لئے کئے گئے اقدامات کا جائزہ لوں گا۔

(جاری ہے)

ان خیالات کااظہار وزیراعلی محمد شہبازشریف نے برلن (جرمنی) سے ویڈیو کانفرنس کے ذریعے صوبے میں ڈینگی کی صورتحال اور تدارک کے اقدامات کا جائزہ لینے کے حوالے سے ایوان وزیر اعلی میں منعقدہ اجلاس سے خطاب کرتے ہوئے کیا۔اجلاس میں صوبائی وزراء، ، کمشنر و ڈی سی او لاہور، مختلف محکموں کے سیکرٹریوں اور ماہرین نے شرکت کی۔وزیر اعلی نے ویڈیو کانفرنس کے ذریعے اجلاس سے خطاب کرتے ہوئے کہا کہ عوامی نمائندے اورمتعلقہ حکام دفتروں میں بیٹھنے کی بجائے خود گلی محلوں میں نکلیں اورانسداد ڈینگی مہم میں بھرپور کردار ادا کریں اوراس ضمن میں اٹھائے گئے اقدامات کے بارے میں روزانہ کی بنیاد پر مجھے آگاہ کریں۔

کمشنر و ڈی سی او لاہور بھی ڈینگی سے متاثرہ علاقوں کا خود دورہ کریں ، ڈینگی بریگیڈ کو استعمال میں لائیں اور مجھے کئے گئے اقدامات کی تفصیلی رپورٹ بھجوائیں۔ڈینگی کے تدارک اورسدباب میں کوئی کوتاہی برداشت نہیں کی جائے گی۔ انہوں نے کہا کہ انسداد ڈینگی کے لئے تمام وسائل بروئے کار لا ئے جائیں اور اس امر کا بھی تعین کیا جائے کہ کن وجوہات کی بنا پر ڈینگی کے مریضوں کی تعداد میں اضافہ ہوا ہے اور اس کے پھیلنے میں کسی کی غفلت کا عنصر تو شامل نہیں ہے۔

ڈینگی کے حوالے سے حقائق پوشیدہ نہ رکھے جائیں بلکہ عوام کو اس ضمن میں روزانہ کی بنیاد پر میڈیا کے ذریعے آگاہ کیاجائے ۔انہوں نے کہا کہ وہ کل راولپنڈی میں انسداد ڈینگی کے حوالے سے اجلاس سے خطاب کریں گے اور انتظامات کا خود جائزہ لیں گے۔ صوبائی وزیر تعلیم رانا مشہود احمد اور وزیر صحت خلیل طاہر سندھونے وزیر اعلی کو ڈینگی کی صورتحال کے حوالے سے تفصیلی بریفنگ دی ۔

انہوں نے بتایا کہ صوبے میں اب تک ڈینگی سے د وافراد کی ہلاکت رپورٹ کی گئی ہے ا وران اموات کے حوالے سے انکوائری جاری ہے ۔ اجلاس میں شریک طبی ماہرین نے بتایا کہبدلتے موسم اور خیبر پختونخوا اور کراچی میں ڈینگی کی وباء میں اضافہ کی وجہ سے پنجاب میں بھی اس کا اثر پڑا ہے اور مریضوں کی تعداد میں اضافہ کا سبب بنا ہے ۔
Live وزیراعظم شہباز شریف سے متعلق تازہ ترین معلومات