انسداد ڈینگی مہم میں منتخب نمائندوں او ر سرکاری افسران کی کوتاہی یا غفلت کو کسی صورت برداشت نہیں کیا جائیگا، شہبازشریف،ڈینگی کو کنٹرول کر نے میں حکومت کیساتھ عوام کا کردار بھی بے حد اہمیت کا حامل ہے ، گھروں ،اردگرد کے ماحول کو صاف ستھرا رکھنا ہم سب کی ذمہ داری ہے،انسداد ڈینگی ریگولیشن پر عملدرآمد نہ کرنیوالی ٹائرشاپس کوسربمہر کر دیا جائے،ویکٹر سرویلنس پر خصوصی توجہ دی جائے ، سپرے اور فوگنگ جاری رکھی جائے،تعلیمی ادارو ں میں صفائی کے انتظامات کو بہتربنایا جائے،منتخب نمائندے چھوٹے گروپس بنا کر ہسپتالوں میں انتظامات کا جائزہ لینے کیساتھ گلیوں اور محلوں کا دورہ کریں، وزیر اعلیٰ پنجاب کا لاہور سے ویڈیو کانفرنس کے ذریعے راولپنڈی میں انسداد ڈینگی اقدامات کے جائزہ اجلاس سے خطاب
پیر 11 نومبر 2013 19:37
(جاری ہے)
وزیر اعلیٰ محمد شہباز شریف نے ویڈیوکانفرنس اجلاس سے خطاب کرتے ہوئے کہا کہ ڈینگی کے سد باب کے لئے پوری مشینری سرگرم عمل ہے اور منتخب نمائندوں کا کردار بھی اس ضمن میں قابل ستائش ہے ۔
دکھی انسانیت کی خدمت ایک عبادت سے کم نہیں ہے، یہی وجہ ہے کہ ڈینگی کا مقابلہ کرنے کے لئے تمام وسائل بروئے کا رلائے جا رہے ہیں اور جنگی بنیادوں پر اس کے خاتمے کے لئے اقدامات کئے جا رہے ہیں ۔ گزشتہ برس منتخب نمائندوں ، متعلقہ محکموں ، ڈاکٹروں ،نرسوں اورماہرین کی کاوشوں کی بناء پر ڈینگی سے ایک بھی ہلاکت نہیں ہوئی تا ہم امسال دوبارہ اس وبا نے سر اٹھایا ہے اور حکومت پنجاب نے موجودہ صورتحال کو کنٹرول کرنے کے لئے ہنگامی بنیادوں پر اقدامات کئے ہیں جس سے صورتحال میں بہتر ی واقع ہورہی ہے۔انہوں نے کہا کہ ڈینگی کو پہلے بھی شکست دی اب بھی دیں گے اور اس کے مستقل خاتمے تک یہ جنگ لڑتے رہیں گے۔انہوں نے اینٹامالوجسٹس کو مستقل بنیادوں پر بھرتی کرنے کی ہدایت کرتے ہوئے کہا کہ ویکٹر سرویلنس پر خصوصی توجہ دی جائے اور گھروں میں سپرے اور فوگنگ کے عمل کو جاری رکھنے کے ساتھ ساتھ تعلیمی ادارو ں میں بھی صفائی کے انتظامات کو بہتربنایا جائے۔وزیر اعلی نے راولپنڈی میں صفائی کی ابتر صورتحال پر برہمی کا اظہار کرتے ہوئے کہا کہ کھلے مقامات سے کوڑا کرکٹ فی الفور اٹھایا جائے ، نالہ لئی کے اطراف سے مویشیوں کے باڑوں کو فوری طور پرمنتقل کیا جائے۔منتخب نمائندے چھوٹے چھوٹے گروپس بنا کر ہسپتالوں میں مریضوں کی عیادت اورانتظامات کا جائزہ لینے کے ساتھ ساتھ گلیوں اور محلوں کا دورہ کریں اور یہاں صفائی کے لئے کئے گئے اقدامات کی پڑتال کریں ۔ انہوں نے کہا کہ مشکل گھڑی میں عوام کے دکھ درد بانٹنا منتخب نمائندوں کی ذمہ داری ہے اور عوام نے ہمیں اسی لئے منتخب کیا ہے کہ ان کے مسائل حل ہوں۔انہوں نے منتخب نمائندو ں اور انتظامیہ کوگوجرخان کا دورہ کرنے اور اس ضمن میں جامع رپورٹ پیش کرنے کی بھی ہدایت کی۔وزیر اعلی نے واضح کیا کہ انسداد ڈینگی مہم میں منتخب نمائندوں، سرکاری محکموں اور افسران کی کوتاہی یا غفلت کو کسی صورت برداشت نہیں کیا جائے گا۔قبل ازیں ڈسٹرکٹ کوآرڈینیشن آفیسر راولپنڈی ساجد ظفر نے انسداد ڈینگی کے لئے کئے گئے اقدامات کے حوالے سے تفصیلی بریفنگ دی۔متعلقہ عنوان :
مزید اہم خبریں
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.