سنی اتحاد کونسل کامنور حسن کے متنازعہ بیان کیخلاف 17نومبر کو ملک گیر یومِ احتجاج اور پاک افواج سے اظہار یکجہتی کیلئے مہم شروع کرنیکا اعلان ،جمعہ کو اہلسنّت کی مساجد میں ”شہادت کا صحیح اسلامی تصور“ کے موضوع پر خطباتِ جمعہ ہونگے‘صاحبزادہ حامد رضا کی زیر صدارت اجلاس میں فیصلے
منگل 12 نومبر 2013 23:01
(جاری ہے)
اجلاس سے خطاب کرتے ہوئے صاحبزادہ حامد رضا نے کہا کہ پاک فوج کے شہداء کو شہید نہ ماننے والے محب وطن نہیں ہو سکتے۔ منور حسن بھارت کی زبان بول رہا ہے۔ جماعت اسلامی 80ء کی دہائی میں خطے میں امریکی ایجنڈے کی تکمیل کے لیے سرگرم عمل رہی۔
افغان جہاد کے دوران امریکہ سے ڈالر لینے والے آج کس منہ سے امریکہ کی مخالفت کر رہے ہیں۔ جہادِ کشمیر کو حرام اور قیامِ پاکستان کی مخالفت کرنے والی جماعت اسلامی کا اصل چہرہ سامنے آ گیا ہے۔ ارضِ وطن کی حفاظت کے لیے پاک فوج کی قربانیاں بے مثال ہیں۔ منور حسن نے شہداء کے لہو کا مذاق اڑایا ہے۔ اجلاس سے خطاب کرتے ہوئے سنی اتحاد کونسل کے مرکزی ڈپٹی سیکرٹری جنرل طارق محبوب نے کہا کہ فضل الرحمن اور منور حسن نے پچاس ہزار بے گناہ مسلمانوں کے قاتل کو معصوم قرار دے کر پاکستان کی مظلوم عوام پر ڈرون حملہ کیا ہے۔ شہادت کے عظیم مسئلے پر جماعت اسلامی کے منافقانہ موٴقف کے خلاف اٹھارہ کروڑ پاکستانی متحد ہو گئے ہیں۔ علماء و مشائخِ اہلسنّت دہشت گردی کے خاتمے کی جنگ میں پاک فوج کے ساتھ شانہ بشانہ کھڑے ہو کر جانوں کے نذرانے پیش کرنے کے لیے تیار ہیں۔ اجلاس میں طارق محبوب، علامہ محمد شریف رضوی، صاحبزادہ عمار سعید سلیمانی، مفتی محمد سعید رضوی، پیر سیّد محمد اقبال شاہ، مفتی محمد حسیب قادری، شیخ ذوالفقار رضوی، میاں فہیم اختر، الحاج سرفراز احمد تارڑ، مولانا محمد اکبر نقشبندی، مولانا وزیرالقادری، پیر طارق ولی چشتی، ملک بخش الٰہی، صاحبزادہ حسن رضا اور دیگر نے شرکت کی۔ اجلاس میں منظور کی گئی قراردادوں میں مطالبہ کیا گیا کہ چیف جسٹس منور حسن کے بیان کا ازخود نوٹس لیں۔ بلدیاتی انتخابات ربیع الاوّل کے بعد کروائے جائیں۔ پتنگ بازی پر پابندی پر عمل یقینی بنایا جائے۔ قومی اسمبلی، سینٹ اور چاروں صوبوں کی اسمبلیوں میں منور حسن کے بیان کے خلاف متفقہ قراردادیں منظور کی جائیں اور حکومت کھل کر منور حسن کے بیان کی مذمت کرے۔ بلدیاتی انتخابات انتظامیہ کی بجائے عدلیہ اور فوج کی نگرانی میں کروائے جائیں۔مزید اہم خبریں
-
ایران کے صدرڈاکٹرابراہیم رئیسی دورہ پاکستان مکمل کرکے واپس روانہ
-
وزیراعظم کا کراچی کے لیے 150 بسیں دینے کا اعلان
-
معاشی استحکام کے لیے وفاق اور صوبوں کو مل کر کام کرنا ہوگا،وزیراعظم
-
وزیراعظم کی وزیراعلی سندھ کو صوبے کے مالی مسائل حل کرنے کی یقین دہانی
-
ہیلری کلنٹن کیساتھ کام کرنے پر ملالہ یوسف زئی کو تنقید کا سامنا
-
190 ملین پاؤنڈز کیس: عمران خان کی درخواست ضمانت پر سماعت 29 اپریل تک ملتوی
-
پاکستان الیکٹرک گاڑیوں ں تیاری میں اپنی صلاحیتوں کو بڑھانے کے لیے بین الاقوامی کمپنیوں کے ساتھ تعاون کوفروغ دے رہا ہے، رپورٹ
-
پاکستان اور ایران کا آزاد تجارتی معاہدے کو جلد حتمی شکل دینے، دوطرفہ تجارت پانچ سال میں 10 ارب ڈالر تک بڑھانے پر اتفاق ، ایران کے صدر ڈاکٹر سیّد ابراہیم رئیسی کے دورے کے اختتام پر مشترکہ بیان جاری
-
تاجروں کا معاشی استحکام کیلئے وزیراعظم کو عمران خان سے بات چیت کا مشورہ
-
غزہ کے لیے امداد، عارضی امریکی بندرگاہ کی تعمیر کا آغاز بہت جلد
-
عمران خان نے سنی اتحاد کونسل کے سربراہ حامد رضا کو پبلک اکاﺅنٹس کمیٹی کے چیئرمین کے عہدے کے لیے نامزد کردیا
-
پاکستان کی چینی کاروباری اداروں کو پاکستان میں سرمایہ کاری کی دعوت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.