کراچی ملک میں جرائم کی سب سے بڑی آماجگاہ ہے ، شہر کے چند خاندان جرائم پیشہ عناصر سے محفوظ ہونگے ،امریکی اخبار،مقامی سیاسی قائدین اور ان سے ملحق جرائم پیشہ گروہوں پر سخت ہاتھ ڈالا جائے تو بہتری کی امید ممکن ہے ، رپورٹ ،درمیانہ طبقہ کسمپرسی کی زندگی گزارنے پر مجبور ہے، زیادہ تر لوگ گھروں میں ٹھہرنے کو ترجیح دیتے ہیں ، لاس اینجلس ٹائمز
اتوار 17 نومبر 2013 17:52
(جاری ہے)
مالکان اپنی املاک خالی چھوڑ نہیں سکتے کیونکہ انہیں خدشہ ہے کہ جرائم پیشہ عناصر ان پر قبضہ کر لیں گے۔
حتیٰ کہ پوش علاقوں کے رہائشی بھی اپنی غیر روشن گلیوں میں جانے سے ڈرتے ہیں۔ کراچی میں بڑھتا یہ سماجی تناؤ معاشی تقسیم میں اضافہ کر رہا ہے،امریکی میگزین فارن پالیسی نے حال ہی میں اسے دنیا کا خطرنا ک شہر قرار دیا اور اسے دنیا کے خطرناک شہروں بگوٹا، کولمبیا ،لاگوس، نائجیریا اور میکسیکو میں سرفہرست رکھا۔اخبار نے کراچی چیمبر آف کامرس کے سابق صدر کے حوالے سے لکھا کہ کراچی میں امن پیناڈول سے ممکن نہیں اس کی انتڑیوں تک علاج کی ضرورت ہے اغوا کاری روپے اکھٹے کرنے کا بہترین دھندہ بن چکا ہے۔ اخبار کے مطابق کراچی پاکستان کا سب سے بڑا شہر، اقتصادی انجن اور مالیاتی مرکز ہے،جہاں کی پورٹ پر روزانہ ہزاروں شپنگ کنٹینرز جاتے اور آتے ہیں،جہاں نو منزلہ اسٹیل مل اور دنیا کی بہترین اسٹاک ایکسچینج ہے جہاں تاجر لاکھوں ڈالر کا کاروبار کرتے ہیں تاہم یہ شہر ملک کی سب سے بڑی جرائم کی آماج گاہ ہے یہاں تک کہ درمیانے طبقے کے لوگوں کو بھی ذاتی محافظ رکھنے پڑتے ہیں، ایک دوسرے کے علاقوں میں حریف گروہوں کے درمیان گولیوں کی گھن گرج بھڑک اٹھتی ہے وزیر اعظم نواز شریف سمیت پاکستانی رہنماؤں کی طویل فہرست ہے جنہوں نے اس شہر کو صاف کرنے کا عزم دکھایا۔2009کی امریکی سفارت خانے کی کیبل کے مطابق ایک سیاسی جماعت کے 25ہزار مسلح ملیشیا ہیں۔مارچ میں پولیس افسر نیاز کھوسو نے کہا تھا کہ شہر کا نصف حصہ پولیس کے لئے نو گو ایریا ہے۔2002میں امریکی صحافی ڈینئل پرل کے اغوا اور سرقلم کئے جانے والے شہر کراچی کا کوئی باشندہ ہوگا جنہیں ان جرائم پیشہ عناصر کا ہاتھ نہ لگا ہو۔ کئی افراد نے اپنے دوستوں یا خاندان کے افراد کے اغوا ہونے کا بتایا۔ ڈرون سے متاثرہ علاقوں کے مکینوں نے بھی کراچی کا رخ کرلیا ہے۔ حالیہ سالوں میں کراچی کی آبادی میں80فیصد پھیلاؤہوا جو نیویارک شہر میں ایک دہائی میں ممکن ہوا۔ کراچی میں امن لانے کے لئے سیکورٹی اداروں کو بغیر کسی مقدمے میں مشتبہ افراد کو نوے دن رکھنے کی تجویز دی گئی جس پر انسانی حقوق کی تنظیموں نے خدشات کا اظہار کیا۔مزید اہم خبریں
-
وفاقی وزیر برائے منصوبہ بندی ترقی و خصوصی اقدامات احسن اقبال کی زیرصدارت اجلاس
-
ملک میں ایک بار پھر جان بچانے والی دواؤں کی قلت،مختلف امراض میں مبتلا مریضوں کو مشکلات کا سامنا
-
وزیر اعلی سندھ نے غیر اعلانیہ لوڈشیڈنگ کا معاملہ وفاقی وزیر توانائی کے سامنے اٹھا دیا
-
تجوری ہائٹس معاوضہ ادائیگی کیس، سپریم کورٹ کی نظر ثانی کی درخواست پر نمبر درج کرنے کی ہدایت
-
نوازشریف کی صحابی رسولؐ سعد بن ابی وقاصؓ کے مزار پر حاضری
-
مریم نواز نے پولیس یونیفارم پہن کر پنجاب پولیس کی عزت وقار میں اضافہ کیا
-
اپنے معاشرے کو ترقی یافتہ بنانے کیلئے ضروری ہے ہماری خواتین انفارمیشن ٹیکنالوجی سکلزحاصل کریں‘مریم نواز
-
پنجاب میں سماج دشمن اور جرائم پیشہ عناصر کے لئے اب کوئی جگہ نہیں‘ مریم نواز شریف
-
وزیراعلیٰ مریم نوازکی پولیس یونیفارم میں لیڈی پولیس کانسٹیبل اورٹریفک اسسٹنٹ پاسنگ آؤٹ پریڈ میں شرکت
-
’’مجھے بھی مبارک باد، یہ میری بھی بیٹیاں ہیں‘‘،مریم نوازشریف
-
اوگرانے تیل کی قیمتیں ڈی ریگولیٹ کرنے کی تردید کر دی
-
کیسا مذاق ہے کہ آج پنجاب میں وزیراعلیٰ پولیس یونیفارم میں پریڈ لینے آگئیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.