وزیراعلیٰ شہباز شریف کا پنجاب بھر میں کھانے پینے کی اشیاء میں ملاوٹ کرنے والے عناصر کے خلاف کریک ڈاؤن کا حکم،شہریوں کو حفظان صحت کے مطابق اشیائے خور و نوش کی فراہمی حکومت کی ذمہ داری ہے، ملاوٹ کرنیوالے عناصر کسی رعایت کے مستحق نہیں،اوزان پیمائش و ناپ تول پر کڑی نظر رکھی جائے ،پٹرول پمپس پر اوور چارجنگ سمیت پٹرول کی مقدار کو جانچنے کیلئے مہم مزید تیز کی جائے، لاہور کی مویشی منڈی کو ماڈل بنانے کیلئے فی الفور کام شروع کیا جائے، پرائس کنٹرول میکانزم مستقبل میں بھی موثر طور پر لاگو رکھا جائے،وزیراعلیٰ شہباز شریف کا اعلیٰ سطح کے اجلاس سے خطاب، صوبائی وزراء ، ارکان صوبائی اسمبلی ، چیف سیکرٹری ، متعلقہ سیکرٹریز اور کمشنر لاہور ڈویژن کی شرکت
پیر 9 دسمبر 2013 17:31
(جاری ہے)
صوبائی وزراء بلال یاسین، راجہ اشفاق سرور، معاون خصوصی ارشد جٹ، ارکان صوبائی اسمبلی عائشہ غوث پاشا، حسین جہانیاں گردیزی، چیف سیکرٹری، متعلقہ سیکرٹریز اور کمشنر لاہور ڈویژن کے علاوہ متعلقہ افسران نے اجلاس میں شرکت کی۔
وزیراعلیٰ محمد شہباز شریف نے اجلاس سے خطاب کرتے ہوئے کہا کہ پنجاب فوڈ اتھارٹی متعلقہ اداروں کے تعاون سے ملاوٹ کرنے والے عناصر کے خلاف بغیر کسی دباؤ کے کارروائی عمل میں لائے اور ملاوٹ کے خلاف مہم کو کامیاب بنانے کیلئے تمام ضروری اقدامات اٹھائے جائیں کیونکہ کھانے پینے کی اشیاء میں ملاوٹ کے باعث نہ صرف صحت کے مسائل پیدا ہوتے ہیں بلکہ کئی موذی بیماریاں بھی جنم لیتی ہیں۔ انہوں نے کہا کہ فوڈ اتھارٹی کا دائرہ کار صوبے کے دیگر اضلاع تک مرحلہ وار بڑھایا جا رہا ہے لہٰذا ضروری ہے کہ فوڈ اتھارٹی کے عملے کی استعداد کار میں اضافہ کیا جائے۔ انہوں نے ہدایت کی کہ فوڈ ٹیسٹنگ لیب کے تمام امور کو پبلک پرائیویٹ پارٹنرشپ کے تحت آؤٹ سورس کرنے کا جائزہ لیا جائے اور ماہرین کی کورٹیم تشکیل دے کر نہ صرف قانون سازی کے عمل کو موٴثر بنایا جائے بلکہ بعض درآمد کی جانے والی اشیاء کے استعمال کے حوالے سے حتمی سفارشات بھی تیار کی جائیں۔ انہوں نے کہا کہ اشیائے خور و نوش کی حفظان صحت کے اصولو ں کے مطابق فروخت کو یقینی بنانے کے ساتھ ان کے ناپ تول کے نظام کو موٴثر طریقے سے لاگو کرنے کی اشد ضرورت ہے اور اس ضمن میں اوزان پیمائش و ناپ تول پر کڑی نظر رکھی جائے اور پٹرول پمپس پر اوور چارجنگ سمیت پٹرول کی مقدار کو جانچنے کیلئے مہم مزید تیز کی جائے اور چیکنگ کے پورے نظام کو ڈیجیٹل ٹیکنالوجی کے ذریعے مانیٹر کیا جائے تاکہ عملے کی کارکردگی کا جائزہ لیا جاسکے۔انہو ں نے ہدایت کی کہ اشیاء کے ناپ تول کے نظام کو مزید فعال بنانے کیلئے علیحدہ اتھارٹی کے قیام کا جائزہ لیا جائے اور اشیاء کی قیمتوں میں استحکام اور طلب و رسد کے نظام کو بہتر بنانے کیلئے تسلسل کے ساتھ آگے بڑھنے کی ضرورت ہے۔ انہوں نے اس بات پر اطمینان کا اظہار کیا کہ حکومت کے بروقت اقدام کے باعث اشیائے ضروریہ کی قیمتوں میں کمی واقع ہو رہی ہے اور عوام کو ریلیف ملا ہے۔ قیمتوں میں استحکام کیلئے اٹھائے جانے والے اقدامات مستقبل میں بھی جاری رہنے چاہئیں ۔ وزیراعلیٰ نے کہا کہ صوبے میں لائیوسٹاک کی پیداوار میں اضافے کیلئے لانگ ٹرم منصوبہ بندی کرکے حتمی سفارشات پیش کی جائیں۔ انہوں نے ہدایت کی کہ لاہور کی مویشی منڈی کو ماڈل منڈی بنانے کیلئے فی الفور کام شروع کیا جائے تاکہ لائیوسٹاک کا کام کرنے والوں کو بہترین سہولیات مل سکیں۔ اجلاس کے دوران سیکرٹری لیبر ، محکمہ لائیوسٹاک اور فوڈ اتھارٹی کے حکام نے تفصیلی بریفنگ دی۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.