کینو،منہ ، جلد ، پھیپھڑوں ، چھاتی، معدے کے کینسر اور گرودں کی پتھری سے بچاؤ میں مددگار ہے‘ حکماء

لاہور ( اُردو پوائنٹ تازہ ترین اخبار۔ 20دسمبر 2013ء)خشک سرد مزاج کا حامل پھل کچا جبکہ گرم تر مزاج کا حامل پختہ کینو حیاتین، لحمیات ا ور فولا د کے حصول کا نیچرل ذریعہ ہے، جدید غذائی تحقیق کے مطابق یہ پھل منہ ، جلد ، پھیپھڑوں ، چھاتی، معدے کے کینسر اور گرودں کی پتھری سے بچاؤ میں مددگارہے، ایک صحت مند انسان کیلئے مطلوب وٹامن سی کی سو فیصد کینو کھا نے سے حاصل ہو سکتے ہیں۔

ان خیالات کا اظہار ماہرین غذائیت پروفیسر حکیم شفیع طالب قادری ، پروفیسر حکیم ثناء اللہ حلاج، حکیم سید عارف رحیم، حکیم محمد افضل میو، حکیم عابد شفیع نے حکیم انقلاب طبی کونسل پاکستان کے زیر اہتمام کینو کی افادیت کے حوالے سے منعقدہ ایک مجلس مذاکرہ میں گفتگو کرتے ہوئے کیا۔ حکماء نے کہا کہ کینو میں غذا کے چھ اہم ترین ا جزا ء جن میں حیاتین ، لحمیات کی اہمیت سب سے زیادہ ہے۔

(جاری ہے)

یہ تمام جسمانی اعضاء کو توانائی فراہم کرتے ہو ئے اعضاء کو سکڑنے اور پانی جذب کرنے کی صلا حیت فراہم کرتی ہے۔ اسکے ساتھ ساتھ یہ قوتِ مدافعت میں اضافہ کرتے ہوئے کئی بیماریوں میں اہم کردار ادا کرتے ہیں، بالوں ، ناخوں اور جلد کو پروٹین کی بروقت حفاظتی قوت فراہم ہوتی ہے۔ جو بیرونی نقصانات سے بچاتا ہے۔ پروٹین بلڈ پریشر اور ہارمونز کو نارمل رکھنے کیلئے بھی انتہائی اہم ہیں۔

کینو آپ کیلئے ایک مکمل ترکیب ہے۔ یہ نہ صرف آ پ کی اوپر کی سطح چہرے بلکہ اندورنی نظام کیلئے بھی بہت مفید ہے۔ کینو پھل کے بارے کاسنومولوجسٹ ڈاکڑ روہی دھوانی کہتی ہیں کہ وٹامن سی ایک ایسی اینٹی او کسیڈنٹ ہے۔ اور جلد کی کولچن پروڈکشن کیلئے ایک لازمی دوا ہے۔یہ جلد کو تروتازہ اور جوان رکھنے میں# معاون ہے۔