پولیوٹیم کے ورکرزاورزائرین کی بسوں پرحملے ملک وقوم کے دشمن عناصرکی کاروائی ہے‘سیٹھ محمد اصغر

بدھ 22 جنوری 2014 12:43

کامونکے(اُردو پوائنٹ تازہ ترین اخبار۔ 22جنوری 2014ء)پولیوٹیم کے ورکرزاورزائرین کی بسوں پرحملے ملک وقوم کے دشمن عناصرکی کاروائی ہے حکومت دہشت گردی پرقابوپانے میں بری طرح ناکام ہوچکی ہے اس لیے اسے حکومت کرنے کاکوئی حق نہیں ہے۔

(جاری ہے)

ان خیالات کااظہارپاکستان پیپلزپارٹی سٹی کامونکے کے صدراورسابق امیدوارصوبائی اسمبلی سیٹھ محمداصغر،ایڈیشنل جنرل سیکرٹری سرفرازاحمدخان،اقلیتی ونگ کے صدروارث مسیح سہوترااورسابق کونسلرملک محمدعباس کھوکھرنے اپنے مشترکہ بیان میں ملک میں بھرمیں پولیوورکرزاورمستونگ میں زائرین کی بس پرحملے کی شدیدمذمت کرتے ہوئے کیا انہوں نے کہاکہ پیپلزپارٹی کے دوراقتدارمیں ذراذراسی باتوں پربیان بازی سے طوفان برپاکرنے والوں کواب اپنے گریبان میں جھانکناچاہیے،انہوں نے مزیدکہاکہ ایسالگتاہے کہ حکمرانوں کی حکمرانی صرف اسلام آباداورلاہورتک ہی محدودرہ گئی ہے اورباقی تمام ملک دشمن عناصرکے ہاتھ جاچکاہے۔