امریکہ کیساتھ تعلقات درست سمت میں جارہے ہیں ، مزید وسعت دینے کے خواہاں ہیں ،طالبان سے مذاکرات حکومتی فیصلہ ہے ،چیئر مین سینٹ ،دہشتگردی کے مسئلے کے حل کیلئے دیر پاحکمت عملی کی ضرورت ہے ، نیئر حسین بخاری کی امریکی میڈیا وفد سے گفتگو ،پاکستان فلسطین کے مسئلے میں اپنے اصولی موقف پر قائم ہے ،فلسطینی سفیر سے گفتگو
بدھ 12 فروری 2014 20:34
اسلام آباد(اُردو پوائنٹ اخبار تازہ ترین۔12 فروری ۔2014ء) چیئر مین سینٹ نیئر حسین بخاری نے کہا ہے کہ امریکہ کے ساتھ تعلقات درست سمت میں جارہے ہیں ، مزید وسعت دینے کے خواہاں ہیں ،اراکین پارلیمنٹ کے مابین رابطے مزید بڑھائے جائیں ،طالبان سے مذاکرات حکومتی فیصلہ ہے ، دہشتگردی کے مسئلے کے حل کیلئے دیر پاحکمت عملی کی ضرورت ہے ۔بدھ کو چیئرمین سینیٹ سید نیئر حسین بخاری نے پارلیمنٹ ہاؤس اسلام آباد میں امریکی صحافیوں کے ایک وفد سے ملاقات کے دوران سوالوں کے جواب دیتے ہوئے کہا کہ امریکہ پاکستان کے لیے ایک اہم ملک ہے اور امریکہ کے ساتھ تعلقات درست سمت میں جارہے ہیں ۔
اور ہماری خواہش ہے کہ دوطرفہ تعلقات کو مزید وسعت دی جائے عوامی سطح پر رابطوں کو بڑھانے کے لیے چیئرمین سینیٹ نے کہا کہ اراکین پارلیمنٹ کے مابین رابطے مزید بڑھائے جائیں اور وفود کے تبادلے عمل میں لائے جائیں ۔(جاری ہے)
یہاں یہ بات قابل ذکر ہے کہ انٹر نیشنل سینڑ فار جرنلسٹس کے تعاوٴن سے امریکی میڈیاء کا گیارہ رکنی وفد ان دنوں پاکستان کے دورے پر ہے جس میں انہوں نے مختلف سطح پر اعلیٰ حکام سے ملاقاتیں کیں ہیں۔
ملاقات میں خطے کی مجموعی صورتحال کا ذکر کرتے ہوئے سینیٹ کے چیئرمین نے کہا کہ افغانستان کی صورتحال پاکستان کے لیے انتہائی اہم ہے ۔طالبان سے مذاکرات اگرچہ حکومتی فیصلہ ہے تاہم انہوں نے کہاکہ اراکین پارلیمنٹ نے اس معاملے پر اپنا نقطہ نظر پیش کیا ہے ۔سید نیئر حسین بخاری نے مزید کہا کہ یہ بات انتہائی ضروری ہے کہ اُن عوامل کو سمجھا جائے جن کی وجہ سے حالات اتنے گھمبیر ہوئے اور ملک کو دہشت گردی کا سامنا کرنا پڑا ۔ پسماندہ علاقوں میں غریب لوگ اپنے بچوں کو مدرسوں میں داخل کرتے ہیں جہاں مفت تعلیم اور رہائش دی جاتی ہے مگر نا مناسب نصاب کی وجہ سے دہشت گردی کے رحجانات پنپتے ہیں ۔ چیئرمین سینیٹ نے کہا کہ اس مسئلے کے حل کے لیے ایک دیر پاحکمت عملی کی ضرورت ہے اور ترقی یافتہ ممالک کو چاہیے کہ وہ پاکستان کی معیاری تعلیمی اداروں کے قیام اور سہولیات کی فراہمی میں پاکستان کی مدد کریں تاکہ آنے والی نسلوں کو جہالت کے اندھیروں سے نکلا جاسکے ۔انہوں نے انٹر نیشنل سینٹر فار جرنلسٹس کے اس پروگرام کو سراہا جس کے تحت پاکستان اور امریکہ کے صحافیوں کو ایک دوسرے کے تجربات سے مستفید ہونے کا موقع ملتا ہے او ر ان کی پیشہ وارانہ صلاحیتوں اور استعداد کار میں اضافہ ہوتا ہے۔ وفد نے چیئر مین سینیٹ کو بتایا کہ ادارے نے پچھلے تین سال میں سو سے زائد پاکستانی صحافیوں کو صحافت کے شعبے میں تربیت دی ہے۔ وفد نے چیئرمین سینیٹ کا خصوصی شکریہ بھی ادا کیا ۔ دریں اثناء چیئرمین سینیٹ سے فلسطین کے سفیر نے بھی ملاقات کی اور باہمی دلچسپی کے اُمور خصوصاً فلسطین کی مجموعی صورتحال پر تبادلہ خیال کیا ۔ چیئرمین سینیٹ نے کہا کہ پاکستان فلسطین کے مسئلے میں اپنے اصولی موقف پر قائم ہے اور مختلف فورمز پر فلسطین کے نقطہ نظر کی حمایت کی ہے ۔ فلسطین کے سفیر ولید اے ایم ابو علی نے چیئرمین سینیٹ کو مسئلہ فلسطین کی موجودہ صورتحال پر تفصیلی آگاہ کیا ۔سفیر نے کہا کہ پاکستان کی حکومت اور عوا م نے ہمیشہ اس مسئلے پر فلسطین کی حکومت اور عوام کا ساتھ دیا ہے جس پر ہم تہہ دل سے مشکور ہیں ۔انہوں نے اس خواہش کا اظہار کیا کہ دوطرفہ تعاون کو مزید وسعت دی جائے ۔مزید اہم خبریں
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
-
اسپیکر قومی سردار ایاز صادق سے قازقستان کے سفیر یرژان کستافین کی ملاقات
-
وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس
-
اسلام آباد ہائیکورٹ کی پرویزالہٰی کی صحت سے متعلق میڈیکل رپورٹ اورپمزہسپتال انتظامیہ کو بھی اڈیالہ جیل کا دورہ کرکے رپورٹ پیرکو پیش کرنے کی ہدایت
-
8 فروری کے فراڈ الیکشن کی بینی فشری پیپلزپارٹی، ن لیگ اور ایم کیوایم ہیں
-
سولر پینلز کی قیمتوں میں مزید کمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.