ایکسپو سنٹر لاہور میں منعقدہونے والا تین روز ہ انڈیا شو اختتام پذیر ، بھارتی وفود واپس چلے گئے ،امید ہے شو سے دونوں ممالک کے کاروباری طبقات کے درمیان فاصلے کم کرنے میں مدد ملے گی ‘ گفتگو

اتوار 16 فروری 2014 21:08

لاہو ر(اُردو پوائنٹ اخبار تازہ ترین۔16 فروری ۔2014ء) ایکسپو سنٹر لاہور میں منعقدہونے والا تین روز ہ انڈیا شو اختتام پذیر ہو گیا جبکہ بھارتی وفود نے اس امید کا اظہار کیا ہے کہ اس سے دونوں ممالک کے کاروباری طبقات کے درمیان فاصلے کم کرنے میں مدد ملے گی ،پاکستان آکر بہت عزت اور پیار ملا اور یہاں کسی طرح کے سکیورٹی مسائل درپیش نہیں آئے ۔ تفصیلات کے مطابق ایکسپو سنٹر لاہور میں منعقد ہونے والا انڈیا شو تین روز کے بعد اختتام پذیر ہو گیا ،اتوار کے روز تعطیل کے باعث شہریوں کی کثیر تعداد نے شو کا دورہ کر کے اس میں انتہائی دلچسپی کا اظہار کیا ۔

بھارتی وفودنے روانہ ہو تے ہوئے کہا کہ یہ ایک کامیاب شو تھا ، امید ہے کہ اس سے دونوں طرف کے کاروباری طبقے میں تجارتی روابط کو بڑھانے میں مدد ملے گی ۔

(جاری ہے)

بھارتی وفد نے حکومت پاکستان خصوصاٹریڈ ڈویلپمنٹ اتھارٹی کی کاوشوں کو سراہتے ہوئے کہا کہ پاکستان آکر بہت عزت اورپیار ملا اور یہاں سکیورٹی کا کوئی مسئلہ درپیش نہیں رہا۔تین روزہ شو کے دوران ٹریڈ ڈویلپمنٹ اتھا ر ٹی آف پاکستان نے بھا رتی تجا رتی وفوداور پاکستانی کا روباری حضرات کے مابین 50سے زائدبزنس ٹو بزنس میٹنگز کا انتظام کیا ، جس میں اینگرو فوڈز ، ٹیکسٹائل ، انجینئرنگ ، جمز اینڈجیو لری ، سروسز ، ما ربل ، صحت اورکاسمیٹکس کی تجا رتی ایسو سی ایشنز ، چیمبرز اور ایکسپورٹرز نے شرکت کی ، صرف لاہو ر میں 450سے زائد بزنس میٹنگز کی گئیں ، وفاقی وزیر تجا رت نے بھارتی تجارتی وفو د اور سرکا ری حکام کوپر تکلف ظہرانہ دیا ، بھا رتی مہمانوں کو لاہور کی تاریخی عمارات ، شاہی قلعہ ، فورٹریس سٹیڈیم ، لبرٹی مارکیٹ اور دیگر معروف مقامات کی سیر کروائی گئی ،ٹریڈ ڈویلپمنٹ اتھارٹی آف پاکستان نے واہگہ ، ایئر پورٹ ، مقامی ہو ٹل اور ایکسپو سنٹر میں 400سے زائد بھارتی مہمانوں کیلئے سہولیا ت کا اہتمام کیا۔

متعلقہ عنوان :