عراق بم دھماکوں ، فائرنگ اور راکٹ حملوں میں 4امریکی فوجیوں سمیت 45 افراد ہلاک ، درجنوں زخمی
متعدد گاڑیاں ، کثیر المنزلہ عمارت منہدم، زخمی ہسپتال منتقل ، ہلاکتوں میں اضافے کا خدشہ۔ امریکی ہیلی کاپٹر مار گرائے جانے کی ذمہ داری القاعدہ سے تعلق رکھنے والے گروپ نے قبول کر لی
اتوار 8 اپریل 2007 13:12
(جاری ہے)
حالیہ واقعے کے بعد عراق پر امریکی قبضے سے لے کر اب تک عراق میں مجموعی طور پر ہلاک ہونے والوں کی تعداد 3274 ہو گئی ہے۔
واضح رہے کہ صوبہ دیالہ میں گزشتہ چند دن سے مزاحمت کاروں کے حملوں میں اضافہ دیکھنے میں آ یا ہے اور رواں ماہ عراق میں ہلاک ہونے والے امریکی فوجیوں کی تعداد 21 ہو گئی ہے۔ ادہر محمودیہ شہر میں نامعلوم افراد کی جانب سے ایک رہائشی عمارت پر کئی راکٹ داغے گئے جس کے نتیجے میں 18 افراد ہلاک اور 30 زخمی ہو گئے۔ جبکہ کثیر المنزلہ عمارت مکمل طور پر منہدم ہو گئی ۔ پولیس حکام کے مطابق 30 زخمیوں کو طبی امداد کیلئے ہسپتالوں میں منتقل کر دیا گیا ہے تاہم متعدد زخمیوں کی حالت نازک بتائی جاتی ہے۔ پولیس حکام اور عینی شاہدین کے مطابق ابھی تک ملبے سے 18 لاشوں کو نکال لیا گیا ہے جبکہ اب بھی کئی افراد ملبے تلے دبے ہوئے ہیں ۔ ادہر محمودیہ شہر کے مشیر فوائد الامیری نے بتایا کہ ہلاکتوں میں اضافہ ہو سکتا ہے۔ ابھی تک کسی نے راکٹ حملوں کی ذمہ داری قبول نہیں کی ۔ دوسری جانب محمودیہ ہی میں دھماکہ خیز مواد سے بھرا ایک ٹرک دھماکہ خیز مواد سے اڑا دیا گیا جس کے نتیجے میں 17 افراد ہلاک اور درجنوں زخمی ہو گئے۔ عراقی پولیس حکام کے مطابق ٹرک کو اس وقت دھماکے سے اڑا دیا گیا جب وہاں کثیر تعدا میں لوگ جمع تھے۔ دھماکے سے ٹرک کے قریب ایک دیوار بھی منہدم ہو گئی جبکہ قریبی عمارتوں اور آس پاس کھڑی گاڑیوں کو بھی نقصان پہنچا۔ قبل ازیں بغداد کے علاقے عظیمیہ میں سڑک کے کنارے نصب بم پھٹنے سے ایک عراقی پولیس اہلکار مارا گیا جبکہ ایک شدید زخمی ہو گیا۔ ادہر بغداد ہی میں نامعلوم افراد نے فائرنگ کر کے 4 افراد کو موت کے گھاٹ اتار لیا۔ پولیس حکام نے ہلاکتوں کو مذہبی اختلافات کا شاخسانہ قرار دیا ہے۔ ادہر القاعدہ سے تعلق رکھنے والے ایک گروپ نے دارالحکومت بغداد کے نواحی علاقے میں گرائے جانے والے امریکی ہیلی کاپٹر گرائے جانے کے واقعے کی ذمہ داری قبول کرلی ہے اور انہوں نے کہا ہے کہ اس واقعے میں ہیلی کاپٹر پر سوار تمام اہلکار ہلاک ہو گئے تھے۔مزید اہم خبریں
-
پاکستان الیکٹرک گاڑیوں ں تیاری میں اپنی صلاحیتوں کو بڑھانے کے لیے بین الاقوامی کمپنیوں کے ساتھ تعاون کوفروغ دے رہا ہے، رپورٹ
-
پاکستان اور ایران کا آزاد تجارتی معاہدے کو جلد حتمی شکل دینے، دوطرفہ تجارت پانچ سال میں 10 ارب ڈالر تک بڑھانے پر اتفاق ، ایران کے صدر ڈاکٹر سیّد ابراہیم رئیسی کے دورے کے اختتام پر مشترکہ بیان جاری
-
تاجروں کا معاشی استحکام کیلئے وزیراعظم کو عمران خان سے بات چیت کا مشورہ
-
غزہ کے لیے امداد، عارضی امریکی بندرگاہ کی تعمیر کا آغاز بہت جلد
-
عمران خان نے سنی اتحاد کونسل کے سربراہ حامد رضا کو پبلک اکاﺅنٹس کمیٹی کے چیئرمین کے عہدے کے لیے نامزد کردیا
-
پاکستان کی چینی کاروباری اداروں کو پاکستان میں سرمایہ کاری کی دعوت
-
وزیرقانون کی بین الاقوامی پارلیمنٹرین کانگریس کے وفد سے ملاقات،وزیر قانون کو تنظیم کے کام اور مشن بارے آگاہ کیا
-
وزیراعظم نے مختلف شعبوں میں نمایاں کارکردگی دکھانے والے نوجوانوں سے مزار قائد پر پاکستان کی خدمت کرنے کا حلف لیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کیلئے ڈیجیٹل ٹولز کا استعمال ضروری ہے، جام کمال خان
-
چیئرمین سینیٹ سے امریکی سفیر کی ملاقات، دوطرفہ تعلقات پر گفتگو
-
وزیراعظم شہا ز شریف کی مزار قائد پر حاضری، پھول چڑھائے اور فاتحہ خوانی کی
-
معاشی استحکام کے لیے وفاق اور صوبوں کو قریبی تعلق بنانا پڑے گا، وزیراعظم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.