سید علی گیلانی کی طبعیت پھربگڑگئی‘نئی دہلی لے جانے کا فیصلہ

بدھ 12 مارچ 2014 13:45

سرینگر(اُردو پوائنٹ تازہ ترین اخبار۔ 12مارچ 2014ء) بزرگ کشمیری رہنما سید علی گیلانی کی صحت پھر سے خراب ہوگئی ہے اور وہ رات کو ٹھیک سے سو بھی نہیں سکے ہیں۔ موسم ٹھیک ہونے کی صورت میں انہیں مزید علاج ومعالجے کے لئے نئی دلی لے جانے کا فیصلہ کیا گیا ہے۔ حریت ترجمان ایاز اکبر نے بتایا کہ گیلانی چونکہ دمہ کے دائمی مریض ہیں اور موسم میں اچانک اور غیر متوقع تبدیلی ان کے تکلیف میں اضافے کی باعث بن گئی ہے اور وہ حد سے زیادہ بے چینی محسوس کررہے ہیں۔

تحریک حریت کے مرکزی ذمہ داروں کی ایک میٹنگ منعقد ہوئی، جس میں اس سارے مسئلے پر تفصیلی غوروخوض کرنے کے بعد فیصلہ کیا گیا کہ موسم ٹھیک ہوتے ہی گیلانی کو مزید علاج معالجے کے دلی لے جایا جائے گا اور ڈاکٹروں نے جو ضروری ٹیسٹس تجویز کئے ہیں، وہ بھی وہیں پر کئے جائیں گے۔

(جاری ہے)

ترجمان نے کہا کہ گیلانی کافی کمزور ہوگئے ہیں اور ان کے پورے بدن میں درد اور ٹیس اٹھ رہی ہے۔

حریت چیئرمین کے آج تک کئی آپریشن ہوئے ہیں اور وہ محض آدھے گردے پرزندگی گزار رہے ہیں۔ ان کے سینے میں پیس میکرلگا ہوا ہے اور مسلسل کھانسی آنے کی وجہ سے وہ سخت تکلیف محسوس کررہے ہیں۔ ان کا گال بلیڈربھی نکال لیا گیا ہے اور یہ کمی بھی کئی مسائل کا باعث بن رہی ہے۔ حریت ترجمان کے مطابق ان تمام عوارض اور موجودہ حالت کو مدّنظر رکھ کر فیصلہ کیا گیا ہے کہ گیلانی کو فوراً سے پیشتر دلی منتقل کیا جائے گا، جہاں ڈاکٹر سارا بائی کے علاوہ کئی معالج ان کا چیک اپ کریں گے اور ضروری ہوا تو انہیں وہاں ہسپتال میں ایڈمٹ کیا جائے گا۔

ترجمان نے عوام الناس سے ایک بار پھر دردمندانہ اور پرسوز اپیل کی کہ وہ قائد تحریک کی شفایابی کے لیے خصوصی دعاؤں کا اہتمام کریں اوراللہ بارک وتعالیٰ کے حضور اپنے قائد کی سلامتی کے لیے عجزوانکساری کریں۔

Facebook Twitter Google + Share on Whatsapp

سید علی گیلانی کی طبعیت پھربگڑگئی‘نئی دہلی لے جانے کا فیصلہ

متعلقہ عنوان :

مزید کشمیر کی خبریں