قبائلی علاقوں میں پولیو کے مزید 3 کیسز سامنے آگئے

پیر 19 مئی 2014 16:13

اسلام آباد(اُردو پوائنٹ تازہ ترین اخبار۔ 19مئی 2014ء) شمالی اور جنوبی وزیرستان میں پولیو کے مزید 3 کیسز سامنے آگئے ہیں جس کے بعد ملک بھر میں رواں برس پولیو کیسز کی تعداد 66 ہوگئی ہے۔

(جاری ہے)

شمالی وزیرستان کے 22 ماہ کے وقاص اور 6 ماہ کی حفصہ جبکہ جنوبی وزیرستان کی رومانہ پولیو کی وجہ سے زندگی بھر کے لئے معذور ہوگئی ہے، وزیراعظم پولیو سیل نے بھی ان کیسز کی تصدیق کردی ہے۔ حالیہ پولیو کیسز سامنے آنے کے بعد رواں سال ملک بھر میں پولیو کیسز کی تعداد 66 تک جاپہنچی ہے۔

واضح رہے کہ پاکستان میں رواں برس گزشتہ سال کے مقابلے میں پولیو کیسز کی تعداد میں 600 گنا اضافہ ہوا ہے جس کی وجہ سے عالمی ادارہ صحت نے پاکستانیوں کے بیرون ملک سفر پر پابندیاں عائد کردیں ہیں۔

Facebook Twitter Google + Share on Whatsapp

قبائلی علاقوں میں پولیو کے مزید 3 کیسز سامنے آگئے

متعلقہ عنوان :

مزید اہم خبریں